गुरुवार, 25 मई 2023

गदर मताये हे


जब ले टुरी के जवानी आये हे
गांव भर गदर मताये हे
रेंगय गोरी लटक झटक के
दिल मा छुरी चलाये हे दिल मा बिजली गिराये हे

पाछू परे हे टुरा दिवाना 
गावत हे देखके फिल्मी गाना
आनी बानी के फैशन करत हे
बइहा होगे सारा जमाना
नैना नशीली चाल अलबेली
गोरी मंदरस मा नहाये हे दिल मा बिजरी गिराये हे
जब ले टुरी के जवानी आये हे
गांव भर गदर मताये हे

जींस टाप पहिरे चश्मा लगाके
मारत हे टुरी बड़ स्टाईल
लेवत हे सेल्फी उलट पुलट के
धरे हाथ मा चाईना मोबाइल 
गोलवा गोलवा गोरी गाल ह चमके
जीव ले डारे हे ओकर ईस्माइल 
बुढ़वा घलो हा भाव देवत हे
मेछा मा ताव देखाये हे दिल मा बिजरी गिराये हे 
जब ले टुरी के जवानी आये हे
गांव भर गदर मताये हे

ओठ दिखत हे लाली पंखुडी 
मिरगीन सही एखर चाल हे
देखके टुरी के चढ़ती जवानी 
सबो के जीव बाराहाल हे
एला फंसाये के चक्कर मा
कतको होगे कंगाल हे
देख सुघरइ मा झोलटू होगेन
लोटा थारी अउ बटकी बेचाये हे दिल मा बिजरी गिराये हे 
जब ले टुरी के जवानी आये हे
गांव भर गदर मताये हे

तोषण चुरेन्द्र 'दिनकर' 
धनगांव डौंडीलोहारा 
बालोद छत्तीसगढ़

जंवारा

लहराये भुवन मा नव दिन रतिहा..
दाई ओ हरियर जंवारा...
रिगबिग रिगबिग जोत करत हे$... हो$......
दुनिया ल करे उजियारा$.........

१
सुरहीन गैया के गोबर मंगाएंव
खुंट धरी अंगना लिपाये हों
अगरी चंउर के बगरी पिसान
सुग्घर चँऊक पुरायें हो 
सोनेन सोनकर करसा मढ़ायें$व हो$.....
दरसन होवे जग सारा$......

२ 
तिही दुर्गा जगदंबे ओ काली
बैरी ल मार गिराये हो
अपन भगत बिपति ल टारे
सबके आस पुराये हो
चैत कुंवार म मेला भरायें$.....हो$...
झूमै नाचै झार झारा$...

३
नवदिन अउ नवरतिहा दाई
नवरूप दुर्गा आये हो
ममता मुर्ती दया के सुरती
सबके मनला भाये हो
आके तैहा बिराजे माता$...हो$....
अली गली आरा पारा$.......

तोषण चुरेन्द्र 'दिनकर'
धनगांव डौंडीलोहारा

आ जबे गोरी

*मुखड़ा*

का:- 
आ जबे ओ गोरी आ जबे न
नदिया के तीर गोरी आ जबे न
छा जबे ओ रानी छा जबे न
घन अमरिया कस छा जबे न

की:- 
आ जहूँ रे सजना आ जहू़ँ न
नदिया के तीर राजा आ जहूँ न
छा जहूँ रे छैला छा जहू़ँ न
घन अमरिया कस छा जहूँ न

*अंतरा१*

का:- 
तोर बिना सुन्ना लागे नदिया कछार ओ
की:- 
देखे ले तोला आथे दिल मा करार हो
का:- 
खोपा मा तोला खुले मोंगरा के हार ओ
की:- 
तिही मोर मया बइहा सोला सिंगार हो

का:- 
आ जबे ओ गोरी आ जबे न
नदिया के तीर गोरी आ जबे न
छा जबे ओ रानी छा जबे न
घन अमरिया कस छा जबे न

की:- 
आ जहूँ रे सजना आ जहू़ँ न
नदिया के तीर राजा आ जहूँ न
छा जहूँ रे छैला छा जहू़ँ न
घन अमरिया कस छा जहूँ न

*अंतरा२*

की:- 
मैं तोर राधा रानी तैं मोर कन्हैया रे
का:- 
मधुबन म रास रचाबो जोड़े जोड़े बंइहा रे
की:- 
जिनगी भर बांधे रहिबे मया पीरीत हो
का:- 
तिही मोर गीत मैना तिही संगीत हो

की:- 
आ जहूँ रे सजना आ जहू़ँ न
नदिया के तीर राजा आ जहूँ न
छा जहूँ रे छैला छा जहू़ँ न
घन अमरिया कस छा जहूँ न

का:- 
आ जबे ओ गोरी आ जबे न
नदिया के तीर गोरी आ जबे न
छा जबे ओ रानी छा जबे न
घन अमरिया कस छा जबे न

*अंतरा३*

का:-
तै मोर चंदा रानी धरती म आजा ओ
की:-
लेता बिहाके तैहा ला गड़वा बाजा हो
का:-
मया के बगिया फूलय पुरवैया डोलत हे
की:-
महुआ कस माते जियरा पीहू पीहू बोलत हे

का:- 
आ जबे ओ गोरी आ जबे न
नदिया के तीर गोरी आ जबे न
छा जबे ओ रानी छा जबे न
घन अमरिया कस छा जबे न

की:- 
आ जहूँ रे सजना आ जहू़ँ न
नदिया के तीर राजा आ जहूँ न
छा जहूँ रे छैला छा जहू़ँ न
घन अमरिया कस छा जहूँ न

तोषण चुरेन्द्र 'दिनकर'
धनगांव डौंडीलोहारा

मंगलवार, 23 मई 2023

लोहारा बजार

तैहा आबे आबे ओ रानी, लोहारा बजार तै घुमेला आबे
मैहा आहूं आहूं रे राजा,लोहारा बजार घुमेला आहूं

आए ल सावन मँजूर नाचै मजूर नाचै ना
तोर झूलफाहा चूंदी मोर मन फांसे घुमेला आहूं ना
मैहा आहूं आहूं रे राजा,लोहारा बजार घुमेला आहूं

करू करेला चना के दारे का ओ चना के दारे का
तोर तिरछी नजरिया जादू डारे गा घुमेला आबे 
तैहा आबे आबे ओ रानी,लोहारा बजार तै घुमेला आबे

छाये अमरैया कोयली बोले गा कोयली बोले
तोर पागा के कलगी म मन डोले ना घुमेला आहूं 
मैहा आहूं आहूं रे राजा,लोहारा बजार घुमेला आहूं

लोहारा तीर मोर हावै धनगांव हावै धनगांव 
पूछत  तैहा आबे तोषन मोर नांव घुमेला आबे
तैहा आबे आबे ओ रानी,लोहारा बजार तै घुमेला आबे

तोषण चुरेन्द्र 'दिनकर' धनगांव डौंडीलोहारा 
बालोद छत्तीसगढ़

मंगलवार, 16 मई 2023

गुरतुर तोर बोली लागे

लड़का:-
गुरतुर तोर बोली लागे हाँसी ठिठोली लागे चंदा तोर चेहरा लागे ओ.....२
हाय रे... मोर दौना पान मन मोहागे ओ...२
लड़की:-
पागा तोर कलगी सोहे खुम्हरी कौड़ी मन ला मोहे लागे मोला टोहे टोहे
हाय रे...मोर बीरो पान मन मोहागे गा...२
लड़का:-
लाली हे तोर लुगरा, खोपा मा बेनी गजरा, झूलत डोर फूंदरा
नैना कटार
हाय रे... मोर दौना पान मन मोहागे ओ...२
लड़की:-
झूलूफ चूंदी कारे, मया के गोंटी मारे,हिरदे ला बेध डारे
नैना कटार
हाय रे...मोर बीरो पान मन मोहागे गा...२
लड़की:-
नरवा कछार आबे,मया गोठ गोठियाबे,कभू झन तै भुलाबे
करले करार
हाय रे...मोर बीरो पान मन मोहागे गा...२
लड़का:-
नरवा कछार आहूंं,बसुरी के धुन बजाहूं,करमा तोला नचाहूं
माँदर के ताल
हाय रे... मोर दौना पान मन मोहागे ओ...२

तोषण चुरेन्द्र 'दिनकर' धनगांव डौंडीलोहारा बालोद छत्तीसगढ़

सोमवार, 15 मई 2023

कुछ तो कहेंगे

कहने दो जमानें को ये कुछ तो कहेंगे।
बनके रह गये पत्थर ठोकर तो सहेंगे।१//

हर कोई कहता हैं  बंदा सुनता नहीं,
हम तो ठहरे साहब बहरे बहरे रहेंगे।२//

ठह्राव नहीं हममें लहराती नदियों सी,
रूकेंगे थोड़ी न अपनी राहों पर बहेंगे।३//

है कोई जात न कोई रंग यहाँ हमारा,
रंगालो जिस रंग हमें उसी में ढहेंगे।४//

ख़ुशी के धूप हो या गम के बादल काले,
'दिनकर' अब दिनकर ही बनके रहेंगे।

तोषण चुरेन्द्र 'दिनकर' 
धनगांव डौंडीलोहारा 
बालोद छत्तीसगढ़

तोला नहकाहूँ गंगा पार

हे पार लगइय्या राम, तोला कइसे लगावँव पार
मोर कठवा के हावय नाँव, तोर धोये बिना गा पाँव 
हे पार लगइय्या राम, तोला कइसे लगावँव पार

ताड़का ल मार गिराये, सब रीषि मुनि खुशी मनाये
जनम धरे मानुष के, जन जन के भाग जगाये
तै दुख के हरइय्या राम, तोला कइसे लगावँव पार

तोर चरण भरे हे जादू, पथरा बन जाथे नारी
मोर रोजी रोटी बसे हे, डोंगा मा करथौं गुजारी
बिगड़ी के सधइय्या राम, तोला कइसे लगावँव पार

तोर चरण धोवन दे मोला, तर जाही पुरखा चोला
रूपिया पइसा नइ माँगँव,वर भर दे तोषन के झोला
पुरखा के तरइय्या राम तोला नहकाहूँ गंगा पार

गीतकार 
तोषण चुरेन्द्र 'दिनकर' 
धनगांव डौंडीलोहारा 
बालोद छत्तीसगढ़ 
9575070689

परिंदा हूँ मैं

उम्मीद है कि अभी ज़िदा हूँ मैं।
बिन परवाज़ उड़ता परिंदा हूँ मैं।

जीता नहीं  ख़ुदगर्जी में जिंदगी,
कहते हैं लोग तब्भी दरिंदा हूँ मैं।

मकाँ नहीं है जमीं पर मेरे यारों,
बहती हवाओं का बसिंदा हूँ मैं।

मांगते नहीं मुआफी गलतियों पे,
देख सिलसिला ये शर्मिंदा हूँ मैं।

लगाएँ तोह्मत किस्पे ऐ'दिनकर',
आस्तीन में जो करते निंदा हूँ मैं।

तोषण चुरेन्द्र 'दिनकर' 
धनगांव डौंडीलोहारा 
बालोद छत्तीसगढ़
9575070689

रविवार, 14 मई 2023

नारायण धाम सही

देखे हँव कलजुग म नंइहे बेटा सरवन राम सही।
गाय चरइय्या दही चोरइय्या  घनश्याम सही।१//

बात बात म आँखी नटेरे ठेंगा लुउठी उठात हे,
खोजे मिल जाही देख दुर्योधन बदनाम सही।२//

बनगे देख आज कतको पापी दुराचारी पीढ़ही,
अब मेटही कोन अधरम बनके परशुराम सही।३//

चंदा सूरुज आंखी मूंदके लुकाथे अमावस मा,
अब चमके कोन अचल ध्रुवतारा के नाम सही।४//

दिनकर बनके अंजोर कर लेबे तँय 'दिनकर'
शक्ति भक्ति देवइय्या नर नारायण धाम सही।५//

तोषण चुरेन्द्र 'दिनकर' 
धनगांव डौंडीलोहारा

मंगलवार, 9 मई 2023

किसान

धरती मइय्या के रतन बेटा
तै कमइय्या  किसान गा।
कइसे करम तोर लिखे बिधाता
नंइहे तोर अब पहिचान गा।

भुंइया ला चीर सोना उगाथस
जांगर तोड़ पसीना ओगराथस
रात अउ दिन महिनत करथस
झोंक देथस तै परान गा.....
कइसे करम तोर लिखे बिधाता
नंइहे तोर अब पहिचान गा....

लोग लइका संग रहे सुवारी
नाँगर बइला तोर संगवारी
लह-लह करथे खेती डोली
बोंलेथस तै जब धान गा...
कइसे करम तोर लिखे बिधाता
नंइहे तोर अब पहिचान गा...

कर्जा बोड़ी मा खाँध लदागे
घानी कस जिनगी हा पेरागे
कइसे तोर जिनगी हा चलही
मन होगे हलकान गा...
कइसे करम तोर लिखे बिधाता
नंइहे तोर अब पहिचान गा...

कतको किसनहा झूलके मरगे 
चिंता फिकर मा हाँड़ा घुरगे
बिनती हावय सरकार ले हमरो
थोरकिन देवय ध्यान गा...
मान मिले सम्मान मिले अउ
झूमे नाचय किसान गा...

 
धरती मइय्या के रतन बेटा
तै कमइय्या  किसान गा।
कइसे करम तोर लिखे बिधाता
नंइहे तोर अब पहिचान गा।

तोषण चुरेंद्र दिनकर
धनगाँव डौंडी लोहारा

मया कहानी

तोर बिना जोही मोला आवय नहीं  चैना
दिन मोरो बीते नहीं कटे नहीं रैना
आजा रे मोर चंदा रानी ओ
लिखबो दुनों मया कहानी ओ


सपना तोर आथे रानी रतिहा सताथे
मुच मुच हाँसी तोर जिवरा जराथे
कब तैं आबे गुंइया जिनगी मा मोर
देखँव निहोरा करत रद्दा ला तोर
बोली तोर लागे जइसे कोयली बैना
दिन मोरो बीते नहीं कटे नहीं रैना
आजा रे मोर चंदा रानी ओ
लिखबो दुनों मया कहानी ओ


तोला अगोरँव मैं नदिया कछार मा
मोहनी मुरतिया बसे हे तोर आंखी करार मा
संगी जहुंरिया मन मारै गोरी ताना
कब ले तरसाबे मोला तही  हा बताना
तै मोर आंखी पुतरी मैं हँव तोर ऐना 
दिन मोरो बीते नहीं कटे नहीं रैना
आजा रे मोर चंदा रानी ओ
लिखबो दुनों मया कहानी ओ


तोषण चुरेन्द्र 'दिनकर' 
धनगांव डौंडीलोहारा 
बालोद छत्तीसगढ़ 
९५७५०७०६८९

सोमवार, 1 मई 2023

जून्ना खेल


छत्तीसगढ़ के पागा-कलगी क्र.०५
बिसय :हमार नंदावत खेल
जेमा मोर डाहर ले एक ठन प्रयास

         -:शीर्षक :- 
"कहां नंदागे जुन्ना खेल "

गांव-गांव खोर गली मा 
सुन्ना होगे  मइदान गा।
कहां नंदागे जुन्ना खेल
अउ खेलइय्या नदान गा।।

अटकन बटकन दही चटाकन 
खुडुवा कबड्ड़ी सब  खेलन।
आए मजा बड़ ठेल ठेलई मा
पचड़ंगा मा डंडा ल पेलन।।
रेस टिरीप मा रेस करे 
पल्ला हमू कुदान गा।
कहां नंदागे जुन्ना खेल
अउ खेलइय्या नदान गा।।१॥

चुरी लुकउल दाढ़ी चिमकउल
नंदी पहाड के गुनइय्या नइहे।
चायपत्ती चायपत्ती पोसन पाय
गुल्ली डंडा के पूछइय्या नइहे।।
शेर नोहे रे कोलिहा हरे
हमू पहिली चिल्लान गा।
कहां नंदागे जुन्ना खेल
अउ खेलइय्या नदान गा।।२॥

बिसरत हावै फुगडी फल्ली
तिरी पासा अउ गेडी चढ़ई।
खेल-खेल मा मान मनउवा
खेल खेल मा होवन लड़ई।।
खेल खेलई मा तन हा बढ़िहा
एखर महत्ता पहिचान गा।
कहां नंदागे जुन्ना खेल
अउ खेलइय्या नदान गा।।३॥

आज हमन खेलत हन
खेल देख बिदेशी खेल।
बाल बेंट के पाछू मा सब
भागत हावन रेलमपेल।।
मिलना जुलना काहीं नइहे 
काबर समय गंवान गा।
कहां नंदागे जुन्ना खेल
अउ खेलइय्या नदान गा।।४॥

परन करौ जुरमिल संगी
पुरखौती ल बचाना हे।
छत्तीसगढ़ महतारी के
कोरा सुघ्घर सजाना हे।।
दिया आरती धुप सजाके
करबो सब गुनगान गा।
कहां नंदागे जुन्ना खेल
अउ खेलइय्या नदान गा।।५॥

कहां नंदागे जुन्ना खेल
अउ खेलइय्या नदान गा।।
            तोषण कुमार चुरेन्द्र दिनकर

राम नवमी


राम नवमी की बधाई व शुभकामनाएं...

दीन दुखी सब पूजते,है नाथो के नाथ।
नारद शारद सब भजे,भजते शंभू नाथ।।

आज राम नवमी परब,होता मन उत्साह।
देव मनुज तकते सभी,हुई दर्श की चाह।।

बात मान पितु मात की,गमन किये वन राह।
कंटक पत्थर पर चले,निकले कभी न आह।।

करने जग कल्याण को,देने अद्भुत ज्ञान।
गले लगाते जो चले,ऊँच नीच सम जान।।

वैदेही रक्षा किये,लुटा दिये निज प्रान।
पिता मान मोक्ष दिया,जटायु हुये महान।।

खाये झूठे बेर को,दिया भक्ति नव ज्ञान।
मोक्ष शबरी की हुई,स्वर्ग हुआ प्रस्थान।।

मीत हुये सुग्रीव के, हुये साक्षी दिकमान।
माता सीता को ढूँढने,निकल पड़े हनुमान।।

शोर मिला हनुमान को,पहुँचे सीता के पास।
देकर प्रभु के मुद्रिका,जीत लिया विश्वास।।

दिया शोर प्रभु राम को,हर्षित मन श्री राम।
मगन हुये वानर सभी,सफल हुआ है काम।।

रावण मारे राम ने,लंक नगर ली जीत।
जय-जय बोलो राम की,सिया मिलन की प्रीत।।

अवध नगर लौटे सभी,जगमग जलते दीप।
जैसे दिनकर है गगन,वैसे समुंद शीप ।।

राम कथा अनंत सखा,अजब रचा संसार।
इसकी कथनी है बड़ी,माया गुन गोपार।।

जय श्री राम

दोहाकार
तोषण चुरेन्द्र
धनगांव डौंडी लोहारा

सिया राम के माला


करले जपन सियाराम के मालाs
चोला तर जाहीss नाss
बीsच भँवर मा फँसे हे डोंगा 
पाsर हो जाsहीss नाss 
◆
खाली हाथ तैहा आये जगत में
खाली हाथ जाबे नाsss
जाये के पहिलीs तैहाs रे बइहा
राम गुन गाले ना
धरम करम के करले कमाई 
जिवरा जुड़ाही ना
बीsच भँवर मा फँसे हे डोंगा 
पाsर हो जाsहीss नाss 
◆
माटी के ओढ़ना माटी बिछौना
माटी के हे घर बार
राम भजन बिन जिनगी हे बिरथा
हावय जगत में सार
परही छिंटा पानी के ढेला मा
झट घुर जाही ना
बीsच भँवर मा फँसे हे डोंगा 
पाsर हो जाsहीss नाss 
◆
चारेच दिन के चटक चँदैनी
फेर अँधियारी रात
मया मोह मा झन फँसे रहिबे
मान तोषण के बात
हावय जिनगी हरियर पाना
एकदिन पिंवराही ना
बीsच भँवर मा फँसे हे डोंsगा 
पाsर हो जाsहीss नाss

कंटक पथ

*कंटक पथ*

कंटक पथ लगता जीवन पर
फूल बिछाने मधुबन आती।
चलता पाता मंजिल अपना
राह कुसुम नित निरखत पाती।
धीरज धारण करते बढ़िये
बनके नायक ताने छाती।
जीना मरना हँसना रोना
सुख दुख तो है आती जाती।

सच्चा वीर वही है जग में
जिसने हँसना सीख लिया है।
पर सेवा उपकार जगत में
अपना जीवन भेट किया है।
कंटक देते घाव बदन को
पुष्प सदा ही महक दिया है।
दूसरों को जो खुश है करता
अपने दुख का घूँट पिया है।

तोषण कुमार चुरेन्द्र
धनगांव डौंडी लोहारा

किताब


विश्व किताब दिवस म नानकुन कुण्डलियाँ

बाँटे सगरो बात सुन,जेकर निही हिसाब।
हवय ज्ञान के कोठरी,कहिथे सखा किताब।
कहिथे सखा किताब,सुनव गा संगी भइया।
बने गोठ सब राख,गलत ला देवव तिरिया।
कह तोषण कविराज,गजब के बतिया छाँटे।
बानी रोठ किताब ,ज्ञान के सागर बाँटे।

-तोषण दिनकर

लेख

कुण्डलियाँ
लिखती जाए लेखनी,बदले है इतिहास।
योगदान भी आपकी,महके बन मधुमास।
महके बन मधुमास,पवन देखो लहराये।
जले नवीन मशाल,गीत जोशीला गाये।
करते नाज समाज,गगन में तारा दिखती।
देता नव संदेश,कलम जो निशदिन लिखती।।
रचना-
तोषण कुमार चुरेन्द्र

लाकडाऊन

लाकडाऊन ह बड़गे हावय
जन जन लागे हे सोरियाय
राशन पानी सब्जी भाजी
कोन कोति कहाँ ले पाय...

दस ले जादा मत जावव संगी
बर बिहाव के बात हे आय
हबर जहू कहूँ पुलिस के हत्था
मन माड़े डंडा बरसाय....

कोन जनी का करम करेहँन
मुक्ति बने घलो नइ बन हे पाय
शमसान म लेगे खातिर
दस झन मनखे हावय जाय....

काम धाम घलो चलत नइहे
पइसा कोन कहाँ ले पाय
दार भात खाके गा जम्मो
लाकडाऊन मा जिनगी पहाय....

दू गज दूरी मास्क जरूरी
घेरी बेरी हाथ धोवाय
घर मा रहव सुरक्षित रहव
रात दिन हे हाँक पराय....

डोकरी डोकरा छोकरी छोकरा
कोरोना वैक्सीन लगवाव
काहत हे सरकार घलो गा
जम्मोझन हास्पीटल जाव....

सर्दी खंस्सी बुखार आये मा
डाक्टर ल तुरते देखाव
रोग ल झन लुकावव संगी
दवई पानी जल्दी कराव....

बात ल मानव तोषण के गा
सबोझन सहयोगी राहव
पल्ला भागे कोरोना हर
भगवान ल अतरी काहव.....

तोषण कुमार चुरेन्द्र
धनगांव डौंडी लोहारा

मजदूर

*मँय मजदूर हँव*

सर्दी गर्मी बरसात ला सहिथँव।
  खोंदरा बनाके गाँव मा रहिथँव।
      तन ले बड़ पसीना टपकाथँव,
        मजदूर हँव दुनिया ले दूर हँव।

माटी ला सोना बनाथँव।
  पखरा मा पानी ओगराथँव।
    खेत लहराथँव सोनहा बाली,
      गीत मया के मँयहर गाथँव।

छोटे बड़े काम मँय आथँव।
  बासी चटनी गोंदली खाथँव।
     हाथ गोड़ मोर थकय नहीं गा
       सबला खवाके मँय सुरताथँव।

कुकरा बासत नींद खुलथे।
  रूख राई मा चिरई झुलथे।
    सूरज नरायण करे अंजोर
      मोंगरा फूल दसमूर फूलथे।

हमरो करलव सोर भइय्या।
  धरती दाई के हम सेवा बजइय्या।
     उवत बुड़त तोर संगी सजन गा
        कइसे गा हमर देश ला चलइय्या।

मजदूर दिवस के बधाई अउ शुभकामनाएं....

तोषण कुमार चुरेन्द्र
धनगांव डौंडी लोहारा

माँ

॥ माँ ॥

माँ तू चली गई कहाँ
छोड़ बियाबाँ जग मग में।
चल पाऊँगा कैसे माँ
काँटें भरे है  पग पग में।

जो तू थी माँ साथ मेरे
मुझको कोई ग़म न था।
जाने से तेरे पहले कभी
आँखें मेरी नम न था।
याद तुझे करके रोता
बहते लहू मेरी रग रग में।
चल पाऊँगा कैसे माँ
काँटें भरे है  पग पग में।

भुखी रहकर हमें खिलाई
सुलाती हमें खुद जगती थी।
हम जो हँसते तू हँस लेती
जख्मों पर मरहम भरती थी।
छिपाने  माँ धूप से हमको
बन छाँव चली मग मग में
चल पाऊँगा कैसे माँ
कांटें भरे है  पग पग में।

बाधाएं कितनी भी आई
बनी ढाल तू खड़ी रही।
करने रक्षा हमारी खातिर
बन तलवार तू अड़ी रही।
गाथा तेरी अमर है माँ
याद रहेगी हर युग युग में।
चल पाऊँगा कैसे माँ
काँटें भरे है  पग पग में।

जाने से तेरे थम सा गया
बचपन मेरा हँसता पूरा।
माँ जो रहती पास मेरे
रहता न जीवन मेरा अधूरा
रहेगा आशीष साथ माँ का
हीरा सा चमकूँगा नग नग में।
चल पाऊँगा कैसे माँ
काँटें भरे है  पग पग में।

कृति
तोषण चुरेन्द्र 'दिनकर' 
धनगांव डौंडीलोहारा, 
बालोद छत्तीसगढ़
9575070689

दाई ददा

कोन कथे कलजुग म भगवान नइहे 
दाई ददा सही सिरतोन ईमान नइहे। 

सहिथे कतको सरदी घाम बरसाती,
अइसन तीर सधइय्या कमान नइहे।

खुद खाके बासी हमला भात खवाथे,
अइसन मया के कउनों जहान नइहे।

बनथे गरमी मा छंइहा रूखवा सही,
भले खोंदरा म एकोठन मचान नइहे।

दाई ददा संग मिलजुल रहव ग मनखे,
काज एखर ले अउ कउनों महान नइहे।

लागा छूटाबो हम कइसे घलो 'दिनकर' 
हमरकर थोर्को रति अतका लगान नइहे।

तोषण चुरेन्द्र 'दिनकर' 
धनगांव डौंडीलोहारा 
बालोद छत्तीसगढ़ 
9575070689

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय