शनिवार, 25 मार्च 2023

गंगा मैय्या

झलमला के गंगा मैय्या 

पानी भीतरी ले सिरजे ओ दाई,गंगा मैय्या तै कहाये
झलमला धाम में बइठे भवानी,मोहिनी रूप सुहाये
मोहिनी रूप सुहाये

दिन सममार के तोर ठिहा मा,बइला बजार भराये
दूरिहा दूरिहा ले नर-नारी,बइला ल धर-धर आये
पानी पीये के तरइय्या नंइहे,कइसे के प्यास बुझाबो
जुक्ति बनाये गांव के मुखिया,सुग्घर तरिया बनाबो
तरिया बनगे पानी भरागे,सगरो के मन हर्साये,
जीवरा ह सबके जुड़ाये
पानी भीतरी ले सिरजे ओ दाई,गंगा मैय्या तै कहाये

केंवट भइय्या एक दिन संतो,मछरी जाल बिछाये
मछरी नंइ आवय जाल में मैय्या,पथरा ह दिनभर आये
पथरा समझ के केंवट भैय्या,तरिया मा फेर लहुटाये
पथरा के महिमा अगम समंदर, ककरो समझ नइ आये
माता के कहनी समझे नहीं गा,बइगा ल जाके बताये
महिमा पथरा के गाये
पानी भीतरी ले सिरजे ओ दाई,गंगा मैय्या तै कहाये

बइगा गुनिया गांव के मुखिया,पूजा पाठ करवाये
चौकी आसन ऊपर बिराजे,चंदा कस शोभा पाये
पानी ले सिरजे आदिभवानी,सूरूज हा गुन ला गाये
नाँव अमर तोर होगे ओ दाई,गंगा मैय्या कहाये
पुर पुरवासी झुमै नाचै,नवदिन जोत जलाये,
'तोषन' तोर जस ला गाये
पानी भीतरी ले सिरजे ओ दाई,गंगा मैय्या तै कहाये

गीतकार 
तोषण चुरेन्द्र 'दिनकर' 
धनगांव डौंडीलोहारा

शनिवार, 18 मार्च 2023

तोर गुन का गावंव ओ दाई

तोला कइसे मनावंव ओ दाई 
नंइ तो जानंव मैहा पूजा पाठ ल
तोर गुन का गावंव ओ दाई 
नंइ तो जानंव मैहा पूजा पाठ ल

शारद शेष महेश नंइ जानिस 
तोर महिमा बड़ भारी हे
आनी बानी तोर रूप बरन हे
सगरो जगत मा चिन्हारी हे
तोला कइसे निहारंव ओ दाई
नंइ तो जानंव मैहा पूजा पाठ ल


आसन लगाये डोंगरी पहाड़ी 
सुग्घर असन फूलवारी हे
रोवत आथे हांसत जाथे 
ममता भरे तोर दुवारी हे 
तोला कइसे बलावंव ओ दाई
नंइ तो जानंव मैहा पूजा पाठ ल

शीतल रूप हर गांव बिराजे
दया मया बगराथस तै
नवदिन अउ नवरतिहा मैय्या
नवदुर्गा बनके आथस तै
तोषण तोला माथ नवावंव ओ दाई
नंइ तो जानंव मैहा पूजा पाठ ल


तोषण चुरेन्द्र 'दिनकर' 
धनगांव डौंडीलोहारा

शुक्रवार, 3 मार्च 2023

बिल्ली और चूहे

०४/०३/२३ को एक प्रयास 

चूहे और बिल्ली

चूहों की एक टोली है।
करते हंसी ठिठोली है।

बिल्ली को न रास आई।
खाने एक युक्ति बनाई।

चूहे एक  नित वो खाती।
मन ही मन खुशी मनाती।

बिल्ली से चूहे परेशान।
कैसे करें इसका निदान।

बुढ़े चूहे ने युक्ति सुझाई।
सुन चूहों ने खुशी मनाई।

बिल्ली गले में घंटी बाधेंगे।
उसकी हम आहट जानेंगे।

बिल्ली संग दौड़ लगाऐंगे।
घंटी की मेडल पहनाऐंगे।

बिल्ली मौसी भी मान गयी।
दौड़ की खातिर तान गयी।

चूहे पीछे बिल्ली है आगे।
जी जान से जमकर भागे।

पहला नंबर बिल्ली आयी।
चूहे टोली ने घंटी पहनायी।

जब बिल्ली आती खाने को।
थे तैयार चूहे भाग जाने को।

चूहों की टोली चैन से रहते।
एक दुजे को धन धन कहते।

तोषण चुरेन्द्र 'दिनकर'

बुधवार, 1 मार्च 2023

होली गीत ( तोषण चुरेन्द्र दिनकर )

आजा तै रधिया बीरीज बन मा ओ 
रंग देहूं तोला अपन रंग मा ओ २
झन तै लुकाना मधुबन  मा ओ
रंग देहूं तोला अपन रंग मा ओ २

तोर बर लाने हावँव मया रंग ला घोर के
झन तैह जाना राधा अइसे मोला छोड़ के
धरे हावँव पींवरा नीला रंग अउ गुलाल ओ
रंगबो रंगाबो दुनो़ फगुआ के हे साल ओ

तैहर आजा हो मोरेच सन मा ओ
रंग देहूं तोला अपन रंग मा ओ २


चंदा अउ सुरूज घलो हमरेच संग हे
धरती अगास जइसे रंगे एके रंग हे
डोंगरी पहाड़ी रुखवा फगुवा राग गावय
कोयली हा कुहकी मारय पुरवा लहरावय

हिरदे के भीतरी मा छागे हे उमंग ओ
रंग देहूं तोला अपन रंग मा ओ२

माते हावय नर नारी सुमत रंग चढ़ाके
अमर होगे तोषण हा होरी गीत  ला गाके 
तोर मोर पीरीत ला जन जन हा गावय
रही दुनिया मा अमर गीत गोहरावय

नाचबो नचाबो गाबो एक धुन मा ओ
रंग देबो सबला अपन रंग मा ओ २

गीतकार 
तोषण चुरेन्द्र " दिनकर "
धनगांव डौंडीलोहारा 
बालोद छत्तीसगढ़ 

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय