बुधवार, 10 जून 2026

जय जवान जय किसान जय विज्ञान


जय जवान, जय किसान, जय विज्ञान
​
​सीमा पर खड़ा जवान, महाबली भीम-सा अड़ता है,
मानो वह साक्षात प्रलय, बन काल-चक्र से लड़ता है।
उसकी हुंकार सुन नभ का, हर तारा थर-थर कांपे,
वह सिंह-सदृश झपटकर, दुष्टों का मद पल में नापे।
​ 
​कण-कण में प्राण फूंकता, वह जग का भाग्य विधाता है,
धरती मां के आंचल में वह, सोना रोज उगाता है।
मानो कुबेर का कोष खुला, हो जब वह हल को चलाए,
मेघ राजा इन्द्र भी आकर, उसके सम्मुख शीश झुकाएं।

​विज्ञान दीप-सा चमक रहा, तम को पल में हरने को,
धरती से लेकर अम्बर तक, अद्भुत चमत्कार करने को।
मानो विधाता की बुद्धि उतर,आई हो मानव के मन में,
नव क्रान्ति की गंगा बहती, अब देश के कण-कण में।
​
​जब हाथ मिले विज्ञान का तो, हल भी रॉकेट बन जाता है,
सीमा पर खड़ा जवान फिर, काल को भी झुकाता है।
धरती मां खुश होकर मानो, अमृत की वर्षा करती,
इस त्रिवेणी के संगम से, भारत की झोली है भरती।
​
तीनों का यह अद्भुत मिलन, जैसे सूरज की लाली है,
इनके दम से ही आज देश में, खुशहाली ही खुशहाली है।
मानो साक्षात स्वर्ग उतर, आया हो हिन्दुस्तान में,
सूरज भी शीश झुकाता है, भारत के इस उत्थान में।

-तोषण चुरेन्द्र 'दिनकर' 
 धनगाँव डौंडीलोहारा बालोद छत्तीसगढ़ 

सोमवार, 8 जून 2026

हे शंकर डमरूधारी

 










हे शंकर डमरूधारी तोर माथ मा चंदा बिराजे

हे शिव शंभू त्रिपुरारी तोर माथ मा चंदा बिराजे

दुनिया के तैं रक्षा करैय्या, तैं भुइयाँ के भार हरैय्या

हे शंकर डमरूधारी तोर माथ मा चंदा बिराजे

हे शिव शंभू त्रिपुरारी तोर माथ मा चंदा बिराजे

 

बेलपाना अउ धतुरा धरके,तोला मनाए नर नारी

छोड़ के जम्मो दुख पीरा ला, पारत हावय गोहारी

नंदिया बइला के संग बइठे,देखथस तैं संसार ला

दया करैय्या भोले बाबा, भर दे सुख भंडार ला

तैं राम रमइय्या जपइय्या,तैं जग के दुख हरइय्या

हे शंकर डमरूधारी तोर माथ मा चंदा बिराजे

हे शिव शंभू त्रिपुरारी तोर माथ मा चंदा बिराजे

 

डम-डम डमरू बाजत रहिथे, गुँजत रथे चारो धाम मा

जटा भीतर मा गंगा बिराजे,चंदा चमके तोर भाल मा

सावन महिना हर सोममारी,भक्त के रेला सकलाथे

तोर किरपा के झलक पाके,भाग सबो के जाग जाथे

तैंह सबके भाग जगइय्या,तैंह बिगड़ी सबके बनइय्या

हे शंकर डमरूधारी तोर माथ मा चंदा बिराजे

हे शिव शंभू त्रिपुरारी तोर माथ मा चंदा बिराजे

 

काँवर मा गंगाजल धरके, आथे गा तोर दरबार मा

सावन महिना गुंजत रहिथे,दुनिया तोर जयकार मा

जनम-जनम के पाप मिटा दे,अतरी तोसन के पुकार हे

चरन पड़े हे जोहर ललना, भाव भजन तोर सार हे

तोर सेवा करे उमा मइय्या, कातिक परे तोर पइय्या

हे शंकर डमरूधारी तोर माथ मा चंदा बिराजे

हे शिव शंभू त्रिपुरारी तोर माथ मा चंदा बिराजे

 

तोषण चुरेन्द्र दिनकर धनगांव डौंडी लोहारा छत्तीसगढ़

९५७५०७०६८७९ ६२६७५३८०३६

 

सोमवार, 1 जून 2026

तम्बाकू













तम्बाकू


तम्बाकू के संग मितानी, देथे भारी चोट।

धीरे-धीरे तन ला खाथे, जइसे धथुरा घोट।।


गुटखा खैनी बीड़ी मंजन, सब्बो तन के काल।

लइका ला भरमावत हावय, बनके माया जाल।।


मुख मा छाला दाँत बिगड़थे, बोली जाथे हार।

कैंसर जइसे रोग बुलाथे, होथे पीर अपार।।


रुपिया पइसा के बरबादी , मिलथे बस दुत्कार।

घर परिवार दुखी हो जाथे, टूटे सुख संसार।।


डॉक्टर कहिथे मानव संगी, छोड़व ये व्यवहार।

रहिबो स्वस्थ तभे सब बनही, जीवन सुख के द्वार।।


लइका मन बर सीख जरूरी, रखव इला सब दूर ।

आज बचाना हे पीढ़ी ला, मन सोचव भरपूर ।।


तम्बाकू सब छोडे खातिर, नइ लागय कछु देर।

ठानव मन मा छोड़ सकत हव, जीत लेव अंधेर ।।


हरियर जिनगी निर्मल सांसा, पावव बारम्बार।

तम्बाकू ला दूर भगावव, यही हमर गोहार ।।


गाँव-गाँव मा सुमता ठीहा,राखव सदा सजोर।

तम्बाकू के नाश करन बर, मिलके करव अँजोर।।


-तोषण चुरेन्द्र ‘दिनकर’

धनगांव डौंडी लोहारा बालोद छत्तीसगढ़

रक्तदान के महादान




रक्तदान के महादान (छत्तीसगढ़ी दोहावली)


रिश्ता गढ़ले खून के, करले करम महान।

रक्तदान करले सखा, दे दे जीवन दान। ।।1।।


तोर लहू के बूंद हा, बनही ककरो प्राण।

मनखे तन ला पाय के, करले पुन्य महान। ।।2।।


जात-पात अउ धर्म के, कतको हावे भेद।

रंग लहू के एक हे, कहिथे सबो सुभेद। ।।3।।


अस्पताल के भीड मा, रोवत हावे कोय।

तोर कनी के खून ले, ओकर आँसू धोय। ।।4।।


दान करे ले ना घटय, सुन ले मोर मितान।

नवा खून तन मा बनय, कुदरत के वरदान। ।।5।।


का स्वारथ संसार मा, का माया के जाल।

रक्तदान ला मान ले, जीवन के सत ढाल। ।।6।।


झन डर संगी तै सुई, मन मा रखबे धीर।

तोर लहू हा मेटही, ककरो तन के पीर। ।।7।।


दाई दूध पिलाइके , राखय ममता भाव। 

तइसन बन जा देवता, पूर सबो के चाव। ।।8।।


कतको संपति ले कमा, कतको धर ले मान।

रक्तदान ला सब कहय,सबले बड़का दान । ।।9।।


जागव संगी मीत रे , करव धरम के काम।

भुइयाँ छत्तीसगढ़ के, जग मा गूंजय नाम। ।।10।।


तोषण चुरेन्द्र ‘दिनकर’

धनगांव डौंडी लोहारा बालोद छत्तीसगढ़ 

९५७५०७०६८९,६२६७५३८०३६ 

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय