सोमवार, 8 जून 2026

हे शंकर डमरूधारी

 










हे शंकर डमरूधारी तोर माथ मा चंदा बिराजे

हे शिव शंभू त्रिपुरारी तोर माथ मा चंदा बिराजे

दुनिया के तैं रक्षा करैय्या, तैं भुइयाँ के भार हरैय्या

हे शंकर डमरूधारी तोर माथ मा चंदा बिराजे

हे शिव शंभू त्रिपुरारी तोर माथ मा चंदा बिराजे

 

बेलपाना अउ धतुरा धरके,तोला मनाए नर नारी

छोड़ के जम्मो दुख पीरा ला, पारत हावय गोहारी

नंदिया बइला के संग बइठे,देखथस तैं संसार ला

दया करैय्या भोले बाबा, भर दे सुख भंडार ला

तैं राम रमइय्या जपइय्या,तैं जग के दुख हरइय्या

हे शंकर डमरूधारी तोर माथ मा चंदा बिराजे

हे शिव शंभू त्रिपुरारी तोर माथ मा चंदा बिराजे

 

डम-डम डमरू बाजत रहिथे, गुँजत रथे चारो धाम मा

जटा भीतर मा गंगा बिराजे,चंदा चमके तोर भाल मा

सावन महिना हर सोममारी,भक्त के रेला सकलाथे

तोर किरपा के झलक पाके,भाग सबो के जाग जाथे

तैंह सबके भाग जगइय्या,तैंह बिगड़ी सबके बनइय्या

हे शंकर डमरूधारी तोर माथ मा चंदा बिराजे

हे शिव शंभू त्रिपुरारी तोर माथ मा चंदा बिराजे

 

काँवर मा गंगाजल धरके, आथे गा तोर दरबार मा

सावन महिना गुंजत रहिथे,दुनिया तोर जयकार मा

जनम-जनम के पाप मिटा दे,अतरी तोसन के पुकार हे

चरन पड़े हे जोहर ललना, भाव भजन तोर सार हे

तोर सेवा करे उमा मइय्या, कातिक परे तोर पइय्या

हे शंकर डमरूधारी तोर माथ मा चंदा बिराजे

हे शिव शंभू त्रिपुरारी तोर माथ मा चंदा बिराजे

 

तोषण चुरेन्द्र दिनकर धनगांव डौंडी लोहारा छत्तीसगढ़

९५७५०७०६८७९ ६२६७५३८०३६

 

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय