* सोनपुतरी बेटी तांव *
______***_____
छत्तीसगढ़ के राज दुलौरीन,
सोनपुतरी बेटी तांव ।
शहर-पहर मोला नइ भावय,
रहिथंव गंवई गाँव ।।
*खेत-खार अउ नंदिया-पहाड़,
सुग्घर अमरैया छांव।
पयडगरी मोर रद्दा-बाट हे,
बिन पनही के पांव ।।
संझा बिहनिया चिरई बोली,,,,,,,,,,,,,,,,,
कंउवा ह करथे काँव!
छत्तीसगढ़ के,,,,,,,,,,,,,,,,,,,,,,बेटी तांव !
शहर-पहर,,,,,,,,,,,,,,,,,,,,,,,,गंवई गाँव !!
*गुरतुर बोली भाखा म मय,
गीत मया के गांव।
असने सोनचिरईया छोड़ के,
कोन डहर मय जांव।।
रुख्खा-सुख्खा मोर बियारी,,,,,,,,,,,,,,,
चटनी बासी ल खाँव!
छत्तीसगढ़ के,,,,,,,,,,,,,,,,,,,,,,,बेटी तांव!
शहर-पहर,,,,,,,,,,,,,,,,,,,,,,,,,गंवई गाँव!!
*कोनो लिखय मोर कविता,
कोनों करय फजीता।
पबरित हंव मय राम के सीता ,
नोहों मधुबाला बबिता ।।
मोर मया के मोर संवागा,,,,,,,,,,,,,,,,,,,,,,!
इहिच ल मय भांव!
छत्तीसगढ़ के,,,,,,,,,, ,,,,,,,,,,,,,,,,बेटी तांव!
शहर-पहर,,,,,,, ,,,,,,,, , ,,,,,,,,,गंवई गाँव !!
*धन-धन हे मोर भाग ल,
जनम धरेंव इही ठांव।
सरग ले सुन्दर मोर महतारी,
सरग ल कहाँ ले लांव।
मया पिरीत के भरे कटोरा,,,,,,,,,,,,,,,,,,,,,!
निचट छत्तीसगढ़हिन आंव!
छत्तीसगढ़ के,,,,,,,,,,,,,,,,,,,,,,,बेटी तांव!
शहर-पहर,,,,,,,,,,,,,,,,,,,,,,,,,,गंवई गाँव !!
_____________*****___________
नोहर आर्य,
फरदडीह,जिला बालोद ,छत्तीसगढ़ ।
टीप:_इस रचना को मेरे गायक मित्र ने अपभ्रंश कर
"छत्तीसगढ़ के राज दुलरवा बेटा, चटनी बासी खांव""
में कन्वर्ट करके गाया है,!
बेहद रिस्पांस मिल रहा है! दुख इस बात का कि रचना कार को गायक ने विशेष सहयोग का दर्जा दिया है, जो मुझे नापसंद है!
और एक टीचर अपने सीनियर को
ओहो......... बात बूरी लगती है!
सब से अनुरोध,* छत्तीसगढ़ के दुलरवा बेटा*कमलेश साहू के नाम सर्च करव अउ हकीकत जानव.....!