सोमवार, 31 मार्च 2025

अमृतध्वनि छंद




काली


===========================

गरजै  काली  हे  लड़े , होगे  हे  बेहाल।

पड़े  सोच में  देवता, बनगे  माता काल।।

बनगे माता, काल समाये, जिभिया लाली।

कोप करे हे, कष्ट हरे हे, जग रखवाली।।

मानौ दाई,  चंडी माई,  सुर सब बरजै।

गोड़ तरी शिव, जानै माता,छोड़ै गरजै।।

==========================

चद्दर


चद्दर कथरी ओढ़ के, सुतबे कतिक अलाल।

होगे बिहना जान तै, सूरुज चमके लाल।।

सूरुज चमके,लाल कमाये,रूपिया आना।

सुख्खा रुख्खा, सब्जी भाजी, दाना खाना।।

परवा छानी, महल अटारी, ढाँके खद्दर।

ठंडा लागे, हाँड़ा काँपे, भाथे चद्दर।।


तोषण चुरेन्द्र 'दिनकर'

===========================


चद्दर


चद्दर कथरी ओढ़ के, सुतबे कतिक अलाल।

होगे बिहना जान तै, सूरुज चमके लाल।।

सूरुज चमके,लाल कमाये,रूपिया आना।

सुख्खा रुख्खा, सब्जी भाजी, दाना खाना।।

परवा छानी, महल अटारी, ढाँके खद्दर।

ठंडा लागे, हाँड़ा काँपे, भाथे चद्दर।।



काली


गरजै  काली  हे  लड़े , होगे  हे  बेहाल।

पड़े  सोच में  देवता, बनगे  माता काल।।

बनगे माता, काल समाये, जिभिया लाली।

कोप करे हे, कष्ट हरे हे, जग रखवाली।।

मानौ दाई,  चंडी माई,  सुर सब बरजै।

गोड़ तरी शिव, जानै माता,छोड़ै गरजै।।


 चंद्रघंटा


शंकर करथे कोप जब, सुनके सुर के गोठ।

शक्ति जगत अवतार ले , त्रिदेव मिलके पोठ।।

त्रिदेव मिलके, पोठ सजाये, त्रिशूल भाला।

हाथ सुदर्शन,चंद्रघंटा, तन विकराला।।

खुशी मनाये, ध्यान लगाये,कंकर कंकर।

झूमै देवन,असुरन भागे, नाचै शंकर।।



चंद्रघंटा


शंकर करथे कोप जब, सुनके सुर के गोठ।

शक्ति जगत अवतार ले , होगे सुर सब पोठ।।

होगे सुर सब, पोठ सजाये,  मोती माला।

हाथ सुदर्शन, सुचंद्रघंटा, तन विकराला।।

महिसा मारे, खुशी मनाये, कंकर कंकर।

झूमै देवन, असुरन भागे,  नाचै शंकर।।

बुधवार, 26 मार्च 2025

तै भजन करले रे संगी


तै भजन करले रे संगी माटी के काया तै जतन करले
 प्रभु चरन म तै मन ल लगाले रे... मया बजरिया ल छोड़ के

हरि नाम जपै तुलसी सज्जन कसाई ह 
कृष्ण नाम गाके तरगे देख मीराबाई ह 
सुमरन करले रे संगी दुये चारदिनिया भजन करले

चारदिन चटक चंदैनी रात अंधियारी 
तन राख होई जाही नोहे रे लबारी 
मगन होके रे गाले राम भजन ल मगन होके....


बुधवार, 12 मार्च 2025

मुरली बजाय कान्हा

*मुरली बजाय कान्हा...*

कोरस 
होरी के तिहार आगे,मुरली के तान बाजे
राधा रानी नाचे छूम छना न नना....

मुखड़ा
मुरली बजाय कान्हा हो,,,राधा नाचे झूम झूम के
रास रचाय कान्हा हो,,,राधा नाचे झूम झूम के 
नाचे झूम झूम के राधा नाचे झूम झूम के
मुरली बजाय कान्हा हो.....
कोरस 
होरी के तिहार आगे,मुरली के तान बाजे
राधा रानी नाचे छूम छना न नना....

पद
मया भरे पिचका धरे रंग छरछराय हे
राधा रानी आघु आघु कान्हा दौड़ाय हे
माते हे बिरिजबन मन सब मताय हे
धरती अगास सबो मया म सनाय हे
मन ल मोहाय कान्हा हो,,,राधा नाचे झूम झूम के 
रास रचाय कान्हा हो,,,राधा नाचे झूम झूम के 
कोरस 
होरी के तिहार आगे,मुरली के तान बाजे
राधा रानी नाचे छूम छना न नना....

पद
गोपी गुवालिन सब रंग म एक रंगाय हे
हरियर पिंवरा नीला लाली ललियाय हे
नइहे कोनों भेद इहाँ सबो जुरियाय हे
होरी के रंग ह देखव तन मन म छाय हे
जग ल नचाय कान्हा हो,,,राधा नाचे झूम झूम के 
रास रचाय कान्हा हो,,,राधा नाचे झूम झूम के 
कोरस 
होरी के तिहार आगे,मुरली के तान बाजे
राधा रानी नाचे छूम छना न नना....

पद 
होगे अमर राधा कृष्ण के कहानी हा
कन कन बसे हावै लोक के जुबानी ह
होरी के धुन म लहरे गंगा जमुना पानी ह
गीत म झूमरे तोषन सबके जिनगानी ह
पीरीत बढ़ाय कान्हा हो,,,राधा नाचे झूम झूम के
रास रचाय कान्हा हो,,,राधा नाचे झूम झूम के 
कोरस 
होरी के तिहार आगे,मुरली के तान बाजे
राधा रानी नाचे छूम छना न नना....

तोषण चुरेन्द्र'दिनकर' 
धनगाँव डौंडीलोहारा 
बालोद छत्तीसगढ़ 
6267538036 // 9575070689

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय