आजा तोला मनावंव देवा
मोर शिव गौरी के लाला
शिव गौरी के लाला मोर शिव गौरी के लाला
आजा तोला मनावंव देवा मोर शिव गौरी के लाला
भादो के महिना चउथ के दिन ले
होथे गजानन पूजा
दुनिया मा होथे पहिली तोर पूजा
तोर ले कोन हे दूजा
सूपा बरोबर कान हे भगवन
पेट गजब तोर भारी
लडुवन के तोला भोग लगे अउ
मूसवा के करे सवारी
---गर गजमोतियन के माला मोर शिव गौरी के लाला
आजा तोला.....१
बल बुद्धि के तैहा देवइय्या
रिद्धि सिद्धि के स्वामी
बाध बिघन ल टार गजानन
हावस तै अंतरयामी
आके बिराजे ग्यारा दिन बर
जन-जन हे हरसाये
एती ओती चारो कोती मा
तोर जयकारा सुनाये
---झूमे गा मन मतवाला मोर शिव गौरी के लाला
आजा तोला...२
©®
तोषण चुरेन्द्र 'दिनकर'
धनगाँव डौंडी लोहारा बालोद छत्तीसगढ़ ४९१७७१ ६२६७५३८०३६//९५७५०७०६८९
कोई टिप्पणी नहीं:
एक टिप्पणी भेजें