शुक्रवार, 30 अगस्त 2024

जाहूं तीजा बर मंय मइके

भइया आवत होही लेनहार मोर,एसो जाहूं तीजा बर मंय मइके
दाई देखत होही पाटी पार मोर,एसो जाहूं तीजा बर मंय मइके
संगी जहुंरिया संग सकलाबो,मया पीरा के गोठ गोठियाबो
घेरी बेरी सुरता करके,ओली ओली मया भरके
भइया आवत होही लेनहार मोर,एसो जाहूं तीजा बर मंय मइके

गांव के तरिया गांव के पनघट,रही रही सुरता आवय
सावन झूलवा काशी के फूलवा,सोच के मन गुदगुदावय
घोर घोर रानी अउ घरबुंदिया,पोरा के नदिया बइला चुकिया
घेरी बेरी सुरता करके,ओली ओली मया भरके
भइया आवत होही लेनहार मोर,एसो जाहूं तीजा बर मंय मइके

दाई के लुगरा मया के अचरा,ददा के डांटे फटकार
पारा परोसीन करे ठिठोली,बांटे बड़ मया अउ दुलार 
मया पीरीत के निर्मल छंइहा,नाचबो गाबो जोरे जोरे बंइहा
घेरी बेरी सुरता करके,ओली ओली मया भरके
भइया आवत होही लेनहार मोर,एसो जाहूं तीजा बर मंय मइके

पति बर पूजा देव न दूजा,शिव भोला ल मनाबो
अमर रहे मोर मांग के सेंदूर,वर हम अतरिच पाबो
तीजा के तिहार हे,खुशियां अपार हे
घेरी बेरी सुरता करके,ओली ओली मया भरके
भइया आवत होही लेनहार मोर,एसो जाहूं तीजा बर मंय मइके

तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़

जाहूं तीजा बर मंय मइके

भइया आवत होही लेनहार मोर,एसो जाहूं तीजा बर मंय मइके
दाई देखत होही पाटी पार मोर,एसो जाहूं तीजा बर मंय मइके
संगी जहुंरिया संग सकलाबो,मया पीरा के गोठ गोठियाबो
घेरी बेरी सुरता करके,ओली ओली मया भरके
भइया आवत होही लेनहार मोर,एसो जाहूं तीजा बर मंय मइके

गांव के तरिया गांव के पनघट,रही रही सुरता आवय
सावन झूलवा काशी के फूलवा,सोच के मन गुदगुदावय
घोर घोर रानी अउ घरबुंदिया,पोरा के नदिया बइला चुकिया
घेरी बेरी सुरता करके,ओली ओली मया भरके
भइया आवत होही लेनहार मोर,एसो जाहूं तीजा बर मंय मइके

दाई के लुगरा मया के अचरा,ददा के डांटे फटकार
पारा परोसीन करे ठिठोली,बांटे बड़ मया अउ दुलार 
मया पीरीत के निर्मल छंइहा,नाचबो गाबो जोरे जोरे बंइहा
घेरी बेरी सुरता करके,ओली ओली मया भरके
भइया आवत होही लेनहार मोर,एसो जाहूं तीजा बर मंय मइके

पति बर पूजा देव न दूजा,शिव भोला ल मनाबो
अमर रहे मोर मांग के सेंदूर,वर हम अतरिच पाबो
तीजा के तिहार हे,खुशियां अपार हे
घेरी बेरी सुरता करके,ओली ओली मया भरके
भइया आवत होही लेनहार मोर,एसो जाहूं तीजा बर मंय मइके

तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़

गुरुवार, 29 अगस्त 2024

सुनहरी भोर

एक सुनहरी भोर....

दिनकर की आभा लिये एक सुनहरी भोर‌।
धरती पर बिखरी सदा पक्षी करे किलोर।
पक्षी करे किलोर जीव सब जग के जागे।
नदिया भरे हिलोर धूप अम्बर पे छागे।
सुंदर हो आगाज गीत हम गाये मिलकर।
खुशियों की सौगात देख फिर लाये दिनकर।

दिनकर लाते रौशनी पुरवा चले बयार।
एक सुनहरी भोर से जगता है संसार।
जगता है संसार मगन मन मन इतराये।
इन्द्रधनुषी रंग क्षितिज पर भर भर छाये।
महके बगिया पुष्प कली से सुंदर खिलकर।
लेकर नव उन्वान बढ़े हम बनकर दिनकर।

लाती किरणें लालिमा एक सुनहरी भोर।
लगती बड़ी सुहावनी करती विहग किलोर।
करती विहग किलोर गीत मनभावन लगती।
शान्ति चारो ओर बाग में कलियाँ सजती।
होती घंटा नाद झूमें कानन में हिरणें।
बेला पवन प्रभात सुबह जग लाती किरणें।

स्वरचित, मौलिक व अप्रकाशित रचना
तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़

मंगलवार, 27 अगस्त 2024

मोर गणपति महाराज





मोर गनपति महाराज 

जय हो गिरजा गौरी लाल,तोला सुमरत हंव मैं आज
---पूजा नइ जानंव,पाठ नइ जानंव
तोर मरम के, बात नइ जानंव,रख देबे मोर लाज 
मोर गण पति महाराज,कर मंगल सब तै काज

दुनिया म होथे पूजा तोर पहिली,रिद्धि सिद्धि के स्वामी
पारबती के हावस दुलरवा,गजमुखी अंतरयामी
---लड्डू चढ़ावंव,भोग लगावंव
पान सुपाड़ी ,कलेवा चढ़ावंव,ढोल बजावंव बाज
मोर गण पति महाराज,कर मंगल सब तै काज


भादो के महिना चउथ के दिन ले,पारा गली म बिराजे 
संझा बिहनिया करंव आरती,सोनहा थारी सजाके
---मूसवा सवारी ,पेट बड़ा भारी
माथ ल नवाये, सब नर नारी,ठूमकत संत समाज
मोर गण पति महाराज,कर मंगल सब तै काज


टार के तैह बाधा बिघन ल,बल बुद्धि के देवइया
अंधरा के आंखी कोढ़ी के काया,बांझ के बेटा सिरजइया
---माथ नवावंव,तोला मनावंव
सुमर सुमर के, तोर गुन गावंव,भक्ति के साजे साज
मोर गण पति महाराज,कर मंगल सब तै काज


तोषण चुरेन्द्र दिनकर धनगाँव डौंडी लोहारा बालोद छत्तीसगढ़

मोर दुर्गा दुलौरिन




मोर दुर्गा दुलौरिन ओ..... दाई  दुर्गा दुलौरिन ओ 
करंव तोर बंदन धर फूल चंदन माथ नवावंव आज 
दाई मोर लाज बजादे
आजा ओ दाई बघवा सवारी 
जोहत हवों रसता तोर महतारी 
पूरन कर सब काज...दाई पूरन कर सब काज

माथ म सोहे लाली टिकुलिया ,सोनहा मकुटिया बिराजे
चमचम चमके कान के झुमका,नाक म नथनी ह साजे
बड़ नीक लागे नौलख हार,मोहनी सुरतिया हा भावय
जगमग चमके चंदा सुरुज ह,दया मया बगरावय
हे जगजननी आदि भवानी
कालरातरि जग कल्याणी
पूरन कर सब काज.... दाई पूरन कर सब काज

लाली लाल तोर ककनी बनुरिया,लाली रंग करे सिंगारे
लाली फूल दसमत भावय तोला,लाली लगे ध्वजा दुवारे
पांव पैजनिया गोड़ म बिछिया,लाली माहुर के रंग हे
हनुमत लाला भैरव बाबा,अघवा पछवा तोर संग हे
जोहर ललना आरती सजाये
संझा बिहनिया तोर जस गाये
पूरन कर सब काज... दाई पूरन कर सब काज


तोषण चुरेन्द्र 'दिनकर' धनगाँव डौंडी लोहारा बालोद छत्तीसगढ़

गुरुवार, 22 अगस्त 2024

शिव गौरी के लाला

आजा तोला मनावंव देवा
मोर शिव गौरी के लाला
शिव गौरी के लाला मोर शिव गौरी के लाला 
आजा तोला मनावंव देवा मोर शिव गौरी के लाला 


भादो के महिना चउथ के दिन ले
होथे गजानन पूजा
दुनिया मा होथे पहिली तोर पूजा
तोर ले कोन हे दूजा
सूपा बरोबर कान हे भगवन
पेट गजब तोर भारी
लडुवन के तोला भोग लगे अउ
मूसवा के करे सवारी
---गर गजमोतियन के माला मोर शिव गौरी के लाला 
आजा तोला.....१


बल बुद्धि के तैहा देवइय्या
रिद्धि सिद्धि के स्वामी
बाध बिघन ल टार गजानन
हावस तै अंतरयामी
आके बिराजे ग्यारा दिन बर 
जन-जन हे हरसाये
एती ओती चारो कोती मा
तोर जयकारा सुनाये
---झूमे गा मन मतवाला मोर शिव गौरी के लाला 
आजा तोला...२

©®
तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़ ४९१७७१ ६२६७५३८०३६//९५७५०७०६८९

मंगलवार, 13 अगस्त 2024

हे कैलाशी घट घट वासी


बमभोला परबत म बिराजे,सुंदर शोभा पाये
पारबती ह संग म राजे,मोहनी सुरतिया भाये
हे कैलाशी घट घट वासी
डम डम डमरू बजाये,जपले नम:शिवाय 

नंदिया बइला के करे सवारी,जटा म गंगा के धारी
गला म सोहे सांप के माला,डमरू तिरसूल धारी
हे भूतेश्वर हे रामेश्वर 
राम के महिमा गाये,जपले नम: शिवाय 

अंग म चुपरे राख भभूति,पहिरे बाघाम्बर छाला 
जग ल तारे धर्मी उबारे,गटकेस बिस के हाला
हे कालेश्वर हे माहेश्वर
गुरू महादेव कहाये,जपले नम: शिवाय

सावन महिना चले कांवरिया,बोलबम के जयकारा 
नाचत गावत चले बराती,हर हर बम बम नारा
चले रे कंवरिया बनके गुजरिया 
शिव भोला ल मनाये,जपले नम: शिवाय 
©®
तोषण चुरेेन्द्र दिनकर 
धनगाँव डौंडी लोहारा बालोद छत्तीसगढ़

रविवार, 11 अगस्त 2024

अपनेच ह चोर हे

दूसर ल का कहिबे जब अपनेच ह चोर हे।
लगे रथे खाली चापलूस म बस ओकरे जोर हे।

भरोसा करथन जेकरे ऊपर देथे जी उही दगा,
सिधवा मनखे के कहूँ करा अब कहां शोर हे।

काम सरकत ले सब कहिथे कका भइय्या,
पीठ घँइय्या पाछू करबे गारी बखाना थोर हे।

बुरा होगे हस दूसर बर भला करत-करत तै,
सही कहिथे सियान का दीया तरी अंजोर हे?

कोन जनीं कब मानव ल मानव ये मानही,
भाईचारा म बंधाय के अब ककरो करा डोर हे।

मिलके रहव हिलके रहव चाहत हे 'दिनकर', 
दंडाशरन पंइया लागत करय कर जोर हे।

©®
तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़

शुक्रवार, 9 अगस्त 2024

जपले नम: शिवाय




हर हर बम बम जय शिव शंभू
जपले नम: शिवाय

चलो शिव ल मनाबोन हो कांवर ल सिरजाबोन
कांँवर धरके गंगाजल भरके होऽऽऽ
जयकारा लगाबोन हो काँवर ल सिरजाबोन
हर हर बम बम जय शिव शंभू
जपले नम: शिवाय

बंदन चंदन नरियर भेला, शिव भोला ल चढ़ाके
बेलपाना संग भंगिया धथुरा, मन भर भोग लगाके
पावन महिना सावन महिना, भक्त चले जुरियाके
चलऽथे कंवरिया बनके गुजरिया, शिव के ध्यान रमाके
अंग भभूति राख चुपरके होऽऽऽ
भक्ति मा रंगजाबोन हो कांवर ल सिरजाबोन
हर हर बम बम जय शिव शंभू
जपले नम: शिवाय

पार्वती के प्राण पति तैं, पहिरे बघवा के छाला
जग कल्याण करे के खातिर, पीये तैं विष के प्याला
दैहिक दैविक ताप मिटाये, डमरू तिरशूल धारी
गला बिराजे नाग के माला, बइला के करे सवारी 
नंदी भ‌ृंगी नाचय गावय होऽऽऽ
हर हर भोला गाबोन हो कांवर ल सिरजाबोन 
हर हर बम बम जय शिव शंभू
जपले नम: शिवाय

पूजा नी जानँन पाठ नी जानँन हावँन गजब अड़ानी 
भावभक्ति हे अलवा जलवा, जानले अवघड़ दानी
भक्ति में हमरो भरदे शक्ति, हे शक्ति के स्वामी 
का तोरले हे लुके छिपे हे, जय हो अंतर्यामी 
तोर भगति म हम समजाबोन होऽऽऽ 
भाग अपन सहराबोन हो कांवर ल सिरजाबोन 
हर हर बम बम जय शिव शंभू
जपले नम: शिवाय

तोषण चुरेन्द्र 'दिनकर' 
धनगाँव डौंडी लोहारा 
बालोद छत्तीसगढ़ 
४९१७७१
६२६७५३८०३६//९५७५०७०६८९

बुधवार, 7 अगस्त 2024

देवार गीत

देवार गीत धुन मा 
=====================================
कइसन दुनिया आगे ओ दीदी
मोला समझ नइ आय
जियत बइला मा टोपा बांधे
घानी म तेल पेराय
मूसवा कूदावय सांप ल दीदी
बिलइ ह ताली बजाय
बादर गिरय पानी ह फीजे
कइसन हे दिन आय
=====================================
चोर ह भागे पाछू पाछू
रहे पुलिस अगवाय
तीन तिगाड़ा काम बिगाड़े
जग म नाम कमाय
साग ऊपर म डबके कनोजी
लकड़ी म चूल्हा बोजाय
दावा ढिलागे पानी भीतरी
मछरी ह ताली बजाय
=====================================
डोकरी के ऊपर खटिया सूते
ढेकना रहे घूँसियाय
गुरुजी पढ़े लइका पढ़ावय
पट्टी म झोला लुकाय
मछरी भीतरी तरिया तउरे
छेरी ल डारा ह खाय
फूल के डोंहड़ू म पेड़ फूले
जग देख अचम्भा खाय
=====================================

घाम के देखत पसीना सूखागे
जाड़ म आगी बूझाय
गाना सुनावय तोसन दिनकर 
सुर मा सुर ल लमाय
मया ल लेवव मया ल देवव
इही जगत के सार
पोख्खा पोख्खा बीजा मया
बदरा ल देवव निमार
=====================================
तोषण चुरेन्द्र 'दिनकर' 
धनगाँव डौंडी लोहारा 
बालोद छत्तीसगढ़ ४९१७७१
६२६७५३८०३६//९५७५०७०६८९

बरजे नइ मानय

छत्तीसगढ़ महतारी साहित्य अकादमी 
दैनिक सृजन प्रतियोगिता 
*विषय - बरजे ला नइ मानय टुरा*
विधा-स्वतंत्र , दिनांक ०७/०८/२४

=======================================
जगा-जगा हे पाप के डबरा
जान बूच के कूदत हस
बरजे ला नइ मानय टुरा
छानी म होरा भूँजत हस
काबर नइ मानस रे थोरको नइ जानस रे
=======================================
सत के रद्दा ल छोड़के तँयहा
जाके असत म झपाये
पड़गेस काकर गोठ म भकला
जिनगी ल नरक बनाये
कोईला माँद म हाथ ल डारे
कइसन हीरा ढूंढ़त हस
बरजे ला नइ मानय टुरा
छानी म होरा भूँजत हस
काबर नइ मानस रे थोरको नइ जानस रे
=======================================
झन कर संगत पापी अधम के
साथ न देवय जमाना
पगला बरोबर किंजरत रहिबे
दर-दर ठोक्कर खाना
मोंगरा चंपा ल छोड़के भकला
फूल बेशरम ल सूँघत हस
बरजे ला नइ मानय टुरा
छानी म होरा भूँजत हस
काबर नइ मानस रे थोरको नइ जानस रे
=======================================
बन जा लव कुश ध्रुव बालक जस 
नाम अमर हो जाही
बरसे आशीष सात पुरखा के
जिनगी सफल हो पाही
करले सतसंग ज्ञान ल पाले
काबर पाछू छूटत हस
बरजे ला नइ मानय टुरा
छानी म होरा भूँजत हस
काबर नइ मानस रे थोरको नइ जानस रे
=======================================

रचनाकार 
तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़ ४९१७७१
६२६७५३८०३६//९५७५०७०६८९ =======================================

सोमवार, 5 अगस्त 2024

आजाद


पंदरा अगस्त म नानकून रचना

आजाद....

आजाद होके भी आजाद नइहे।
नान्हे अउ बड़े के मरजाद नइहे।

पढ़ लिखके डिग्री खरही गँजागे,
नौकरी के कहूँकर आवाज नइहे।

आगे बजार म दवई वाले चँऊर,
पहिली कस बासी म स्वाद नइहे।

राख नइ सके हे बेटी के लाज ल,
दाई ददा के अइसे औलाद नइहे।

बंजर परत हे आज धरती दाई ह,
रक्छा करइया हाथ फौलाद नइहे।

परब आथे अगुवा कथे मोरे मोर,
पीठ पाछू सुने बर शंखनाद नइहे।

राष्ट्रीय परब म कथे भारत महान,
बिहान झंडा बिनइया हाथ नइहे।

रहे अमर मोर भारत के बलिदानी,
अउ कोनों मन के मोर बात नइहे।

मिलके रहव बढ़िहा सबो जग म,
जादा दिनकर बर सौगात नइहे।


तोषण चुरेेन्द्र 'दिनकर' 
धनगाँव डौंडी लोहारा बालोद छत्तीसगढ़

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय