दूसर ल का कहिबे जब अपनेच ह चोर हे।
लगे रथे खाली चापलूस म बस ओकरे जोर हे।
भरोसा करथन जेकरे ऊपर देथे जी उही दगा,
सिधवा मनखे के कहूँ करा अब कहां शोर हे।
काम सरकत ले सब कहिथे कका भइय्या,
पीठ घँइय्या पाछू करबे गारी बखाना थोर हे।
बुरा होगे हस दूसर बर भला करत-करत तै,
सही कहिथे सियान का दीया तरी अंजोर हे?
कोन जनीं कब मानव ल मानव ये मानही,
भाईचारा म बंधाय के अब ककरो करा डोर हे।
मिलके रहव हिलके रहव चाहत हे 'दिनकर',
दंडाशरन पंइया लागत करय कर जोर हे।
©®
तोषण चुरेन्द्र 'दिनकर'
धनगाँव डौंडी लोहारा बालोद छत्तीसगढ़
कोई टिप्पणी नहीं:
एक टिप्पणी भेजें