सोमवार, 29 जुलाई 2024

आगे हे राखी तिहार

चले आबे तै भैय्या , करँव अगोरा , बइठे रइहंव तरिया पार
थारी सजायेंव , चंदन बंदन ,आगे हे राखी तिहार
मोर राजा भैया रे , मयारू मोर हीरा भैया रे


देखथे रद्दा गांव गली खोर , रोवत हे नदिया कछार
दाई ददा के दुलारा बेटा ,आंखी पड़े अँधियार 
सोरियाबे तै भैया , करँव निहोरा , बइठे रइहंव तरिया पार....
थारी सजायेंव , चंदन बंदन ,आगे हे राखी तिहार
मोर राजा भैया रे , मयारू मोर हीरा भैया रे


भारत माता के रतन बेटा , भुंइया के करजा चुकाबे
सीना ताने खड़े तै रहिबे , माटी के मान बढ़ाबे
झन भुलाबे तै भैया , बहिनी के मया , बइठे रइहंव तरिया पार
थारी सजायेंव , चंदन बंदन ,आगे हे राखी तिहार
मोर राजा भैया रे , मयारू मोर हीरा भैया रे


तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़ ४९१७७१
६२६७५३८०३६//९५७५०७०६८९

करमा नचादे माँदर बजादे

==========================================
रि रिलो रि रिलो रे रेला राय रेला
साय रेला साय रेला रि रिलो राय रेला

करमा नंचादे गुंइया रे होऽऽ
माँदर बजादे गुंइया रे
नदिया नरवा कछार, झुमरै अमुवा के डार, आयेंव करके सिंगार होऽऽ
करमा नंचादे गुंइया रे होऽऽ
माँदर बजादे गुंइया रे

रि रिलो रि रिलो रे रेला राय रेला
साय रेला साय रेला रि रिलो राय रेला
==========================================
बस्तर के बांस पान, लिबिर लाबर डोलय ओ,लिबिर लाबर डोलय
करमा के ताल मन, भेद मोर खोलय रे, भेद मोर खोलय
डोंगरी के तीर गोरी, पाके तेंदू चार ओ, पाके तेंदू चार
रस्ता ल जोहत रहूं, आबे खारे खार रे आबे खारे खार
कोयली मारे कुहुकी तान,मारे करेजा बान,मुसले तोर मुस्कान होऽऽ
करमा नंचादे गुंइया रे होऽऽ
माँदर बजादे गुंइया रे

रि रिलो रि रिलो रे रेला राय रेला
साय रेला साय रेला रि रिलो राय रेला
==========================================
सरर सरर पुरवइया, करमा गीत गाय रे करमा गीत गाय
चढ़ती तो जवानी गोरी,मन ला मोर मताय ओ, मन मोर मताय
नाचबो गाबो आजा राजा, करमा के ताल गा, करमा के ताल
तोर मया मोर खातिर,होगे जीव के काल ओ, होगे जीव के काल
कउड़ी खोपा गाँथके,मोहनी मया छाँदके, राखे मोला बाँधके होऽऽ
करमा नंचादे गुंइया रे होऽऽ
माँदर बजादे गुंइया रे

रि रिलो रि रिलो रे रेला राय रेला
साय रेला साय रेला रि रिलो राय रेला
==========================================
तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़ ४९१७७१
६२६७५३८०३६//९५७५०७०६८९
==========================================

गुरुवार, 25 जुलाई 2024

बाली उमरिया तिरछी नजरिया



छनन छनन पायल तोर बाजे रे गोरिया
खनन खनन चुड़ी हाथ के खनके रे कंगना
मोर दिल मा गिराये बिजुरिया रे सजनी 
चढ़ती तोर बाली उमरिया
तोर नैना हे कारी कटरिया रे सजनी 
मारत हे तिरछी नजरिया 

××××××××××××××××××××××××

करिया घटा कस तै/सावन मा बरसे/अंग-अंग म मया बढ़ाये
निशा गोली कस तोर/ गुरतुर हे बोली/मउहा मतौना पियाये
घनर घनर गरजे जुलुफ कारी रे बदरिया
सरर सरर अचरा तोर डोलावै  पुरवइया
मोर दिल मा गिराये बिजुरिया रे सजनी 
चढ़ती तोर बाली उमरिया
तोर नैना हे कारी कटरिया रे सजनी 
मारत हे तिरछी नजरिया 

××××××××××××××××××××××××

चंदा बरन हे तोर/सुंदर मुखड़ा/झन तैं दागी लगाबे
धधकत हे आगी/हिरदे के भीतरी/कब तैं मया बरसाबे
जुगुर जुगुर जोगनी कस करबे रे जोगनिया
तोर बिना सुन्ना मोर महल अउ अटरिया
मोर दिल मा गिराये बिजुरिया रे सजनी 
चढ़ती तोर बाली उमरिया
तोर नैना हे कारी कटरिया रे सजनी 
मारत हे तिरछी नजरिया 

××××××××××××××××××××××××

तोर इंतजार करत/ नैना पथरागे/झन तै अब तरसाना
दिल नइ माने/तोर जुदाई/नइ चले कउनों बहाना
लाहूं माहूर लाली लुगरा ककनी  रे बनुरिया
बनहूं तोर  दुल्हा मोर बनबे रे दुल्हनिया 
मोर दिल मा गिराये बिजुरिया रे सजनी 
चढ़ती तोर बाली उमरिया
तोर नैना हे कारी कटरिया रे सजनी 
मारत हे तिरछी नजरिया 

××××××××××××××××××××××××

तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़ ४९१७७१
६२६७५३८०३६//९५७५०७०६८९

बुधवार, 24 जुलाई 2024

सियानी गँवारी


*सियानी गँवारीम भुलाय रथों।*

सियानी गँवारीम भुलाय रथों।
घानी कस बइला फँदाय रथों।
संझा ह बितथे लइका संग मा,
मछरी कस जाला छँदाय रथों।

लिखई मोर से होथे मनचटहा।
आखर शब्द घलक अटपटहा।
माड़ी भर भर झोर चुचुवावय,
आमा अमली कस चटपटहा।
मनभीतरी बात ल दबाय रथों।
मछरी कस जाला छँदाय रथों।

सरपंची करई जीव के जंजाल।
सताथे भारी काल ऊपर काल।
सुनव कोन ल अउ चुप कराँव,
पहिरे हे खड़री बघवा के छाल।
घरबुंदिया म संगी घेराय रथों।
मछरी कस जाला छँदाय रथों।

लिखइया  मनखे रहे नी जाय।
झूठ अउ लबारी कहे नी जाय।
गिल्ला चिबरी मैं करथों रचना,
मन के कलपना सहे नी जाय।
मया पाये चोरिया टेकाय रथों।
मछरी कस जाला छँदाय रथों।

तोषण चुरेन्द्र 'दिनकर' 
सरपंच ,गीतकार,उदघोषक,कवि,
अध्यक्ष व गायक-जय श्री राम मानस परिवार धनगाँव 
डौंडीलोहारा बालोद छत्तीसगढ़ 
(तात्कालिक रचना दिनांक २४/७/२४ रात ९:३० बजे)

मंगलवार, 23 जुलाई 2024

हे बम भोला


हे बम भोला डमरू बजइया परबतिया के राजा
तरसत हे मोर दुनों नैना आरो ल सुनके आजा
भोलेनाथ शंभूनाथ दीनानाथ देदे साथ

कष्ट ल हरदे झोली भरदे शरण पड़े दुखियारी
दरश दिखादे दीन दुखी ल करके नंदी सवारी
अगर कपूर हे राख भभूति हरियर धथुरा के पाना
तिरशुल धारी हे त्रिपुरारी भटकँथो ठऊर बताना
बदरीनाथ सोमनाथ दीनानाथ देदे साथ

बनके कांवरिया तोर दुवरिया गंगाजल लेके आवंव
चारोधाम मैं तीरथ करके तोर दरस ल पावंव
हर हर बम बम बम बम हर गुँजथे धरती अगासे
झनछूट जाये मोरो साँसा पानी तीर रहिके पियासे
भूतनाथ शंकरनाथ दीनानाथ देदे साथ

सावन महिना घट अंधियारी मनमंदिर म समा जा
फुटहा करम मोर फुटहा दोना भाग ल मोर ते जगा जा 
अवघड़ दानी भोले बाबा दुनिया  म नाम कहाये 
जोहर ललना तोसन दिनकर घेरी बेरी तोला गोहराये
भोलेनाथ भूतनाथ दीनानाथ देदे साथ

तोषण चुरेन्द्र 'दिनकर' 
धनगाँव डौंडी लोहारा छत्तीसगढ़ ४९१७७१ 
६२६७५३८०३६//९५७५०७०६८९

सोमवार, 15 जुलाई 2024

बेवफा होगे रे


=====================================
बेवफा होगे रे....
=====================================
बीच मझधार मा मोला फंसाके,जानें कहां लुकाये रे
वादा करके मोर संन संगी,कइसे तैह भुलाये रे
तैं दगा....दे दे रे , बेवफा....होगे रे
=====================================
सपना देखाये मया पीरीत के,सोये निंदिया ल जगाके
समझ नइ पायेंव तोर अदा ल,चलदेस आगी लगाके
तोर मया मा होगेंव दीवाना,चेत बुध मोरो हरागे
का तैह मारे मया के मंतर,कइसन रोग हमागे
तैं दगा....दे दे रे , बेवफा....होगे रे
बीच मझधार मा मोला फंसाके,जानें कहां लुकाये रे
वादा करके मोर संन संगी,कइसे तैह भुलाये रे
=====================================
जीयन नइ देवय तोर बेवफाई,मरना घलोक नइ आवय
का कर डारंव कोन मेर जावव,रस्ता नजर नइ पावय
जी के रहूं का अब मैं तोर बिन,चलदे तहूं मुंह मोड़के
जारे बेवफा खुश तै रहिबे,जावत हंव दुनिया ल छोड़के
तैं दगा....दे दे रे , बेवफा....होगे रे
बीच मझधार मा मोला फंसाके,जानें कहां लुकाये रे
वादा करके मोर संन संगी,कइसे तैह भुलाये रे
=====================================
रचनाकार 
तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़ ४९१७७१ 
६२६७५३८०३६//९५७५०७०६८९ 
=====================================

राखी तिहार


======================================
राखी गीत
======================================
कोयली कुहकत हे आमा के डार मा रे
भैया आही,भैया आही मोर राखी तिहार मा
---घर ले मैं निकलंव बहिरी अउ भीतरी,रतिहा पहागे इंतजार मा
भैया आही,भैया आही मोर राखी तिहार मा
======================================
सावन महिना के पुन पुनवासी,रद्दा ल जोहत रइहंव
कइसे भुलाये तै बहिनी ल अपन,आवत भैया ल कइहंव
---कब तै आबे भैया मयारूक,कोंन्हों नइ दिखे अंधियार मा
भैया आही,भैया आही मोर राखी तिहार मा
======================================
दाई ददा के रतन बेटा,धरती के सेवा बजाये
आरो ल लेले बहिनी के अपन,घर अंगना बलाये
---मोर आंखी के तारा भैया,करदे अंजोरी संसार मा
 भैया आही,भैया आही मोर राखी तिहार मा
======================================
थारी सजाये हंव तिलक चंदन,सूरूज बरन हे राखी
मया पीरीत के धागा पिरोयेंव,लागे  मँजूर के पाखी
---झन होवय सुन्ना तोर कलाई,ये राखी के तिहार मा
भैया आही,भैया आही मोर राखी तिहार मा
======================================
रचनाकार 
तोषण चुरेेन्द्र 'दिनकर' 
धनगाँव डौंडी लोहारा बालोद छत्तीसगढ़ ४९१७७१
६२६७५३८०३६//९५७५०७०६८९

छुईमुई लाजवती


गुल गुलाबी गाल तोर छुईमुई... मोर लाजवती, 
आज संग मा नाच लेबो
धक धकाधक धक धकाधक करे रे दिल...रे सगाबती,
प्रेम रंग मा मात लेबो
---मोर चंपाकली मुनगाकाड़ी रोगोंबती......झीतरा झीता झीता ताता झीतरा झीता
संग मा दुनों हाँस लेबो....


गोरिया रे...तोर बिना मोर जिनगी हे बेहाल...हाय बेहाल
-----
मोर चंदा रे...हिरनी कस रेंगना तोर कमाल..हाय कमाल

----मोर रातरानी मोंगरा दौंना रसावती....झीतरा झीता झीता ताता झीतरा झीता
संग मा दुनों हाँस लेबो


जोगनी रे...सपना मा जुगुर जुगुर करथस...हाय करथस
----
मोहिनी रे...दिल मा मोर मोहनी बुटी भरथस...हाय भरथस

-----मोर बंगलापान लौंग लैची मीठापती....झीतरा झीता झीता ताता झीतरा झीता
संग मा दुनों हाँस लेबो


तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़

छुईमुई... मोर लाजवती

 


गुल गुलाबी गाल तोर छुईमुई... मोर लाजवती, 

आज संग मा नाच लेबो

धक धकाधक धक धकाधक करे रे दिल...रे सगाबती,

प्रेम रंग मा मात लेबो

---मोर चंपाकली मुनगाकाड़ी रोगोंबती......

झीतरा झीता झीता ताता झीतरा झीता

संग मा दुनों हाँस लेबो....


गोरिया रे...तोर बिना मोर जिनगी हे बेहाल...हाय बेहाल

-----

मोर चंदा रे...हिरनी कस रेंगना तोर कमाल..हाय कमाल


----मोर रातरानी मोंगरा दौंना रसावती....

झीतरा झीता झीता ताता झीतरा झीता

संग मा दुनों हाँस लेबो



जोगनी रे...सपना मा जुगुर जुगुर करथस...हाय करथस

----

मोहिनी रे...दिल मा मोर मोहनी बुटी भरथस...हाय भरथस


-----मोर बंगलापान लौंग लैची मीठापती....

झीतरा झीता झीता ताता झीतरा झीता

संग मा दुनों हाँस लेबो


तोषण चुरेन्द्र 'दिनकर' 

धनगाँव डौंडी लोहारा बालोद छत्तीसगढ़

गुरुवार, 11 जुलाई 2024

जपले शिव नाम

जपले जपले जपले शिव नाम संगी रे
बिगड़ी बनाही सबके काम संगी रे


अवघड़ भोले बाबा नंदी सवारी 
गंगा बिराजे सिर मा तोर जटाधारी 
अंग भभूति चुपरे सरपन के माला
कनिहा मा सोहे सुघर बघवा के छाला
---चल रे कंवरिया शिव धाम संगी रे
बिगड़ी बनाही सबके काम संगी रे


डम-डम डमरू बाजे महिना पावन हे
बड़ नीक लागे भोला परब सावन के
एक लोटा पानी धरके तोर तीर आथे
मन के मनौती बाबा भगत ह पाथे
---नंइ लागे रूपिया पइसा दाम संगी रे
बिगड़ी बनाही सबके काम संगी रे


तोर शरन मा हावय जोहर ललना
हर लेबे भोलेबाबा बाध बिघन ला
आस लेके आये हावँव बनके कांवरिया 
किरपा ल राखे रहिबे उमा के सँवरिया
---भजत रही तोसन सुबा शाम संगी रे
बिगड़ी बनाही सबके काम संगी रे

तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़

रविवार, 7 जुलाई 2024

आगे हरेली तिहार


आगे आगे हरेली तिहार रे संगी

भुंइया के जागे भाग रे संगी 

भुंइया के जागे भाग

---धरती दाई के हरियर अचरा, जइसे के सोलहो सिंगार रे संगी 

भुंइया के जागे भाग


१

नदिया नरवा डोंगरी पहाड़ी,

झरना झर झर गावय

झूमय नाचय ताल तलइय्या,

रूख राई इतरावय

---सावन महिना छागे हरेली,

माते हावय खेती खार रे संगी

भुंइया के जागे भाग


२

नाँगर बइला खुम्हरी कमरा,

दसमूर कस हे मितानी

धरती दाई ल अर्चन बंदन,

करथन खेती किसानी

---नवकइना मन झूलय झूलवा,

गावय सवनाही राग रे संगी

भुंइया के जागे भाग


३

लीम के डारा दसमूर पाना,

घर अंगना म लगावय

रापा गैंती संग मा कुदारी,

गुरहा चीला ल पावय

---लोग लइका मन साजे गेंड़ी,

भागय पल्ला ले धार रे संगी

भुंइया के जागे भाग


४

रूखवा लगाले करले जतन गा,

इही संदेश बगरावय

हरियर हरियर हमर ये भुंइया

लहर लहर लहरावय

---रिमझिम रिमझिम बरसे बदरा,

करे मया के बउछार रे संगी,

भुंइया के जागे भाग


तोषण चुरेन्द्र 'दिनकर' 

धनगाँव डौंडी लोहारा बालोद छत्तीसगढ़ 

४९१७७१

६२६७५३८०३६//९५७५०७०६८९ 

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय