जपले जपले जपले शिव नाम संगी रे
बिगड़ी बनाही सबके काम संगी रे
अवघड़ भोले बाबा नंदी सवारी
गंगा बिराजे सिर मा तोर जटाधारी
अंग भभूति चुपरे सरपन के माला
कनिहा मा सोहे सुघर बघवा के छाला
---चल रे कंवरिया शिव धाम संगी रे
बिगड़ी बनाही सबके काम संगी रे
डम-डम डमरू बाजे महिना पावन हे
बड़ नीक लागे भोला परब सावन के
एक लोटा पानी धरके तोर तीर आथे
मन के मनौती बाबा भगत ह पाथे
---नंइ लागे रूपिया पइसा दाम संगी रे
बिगड़ी बनाही सबके काम संगी रे
तोर शरन मा हावय जोहर ललना
हर लेबे भोलेबाबा बाध बिघन ला
आस लेके आये हावँव बनके कांवरिया
किरपा ल राखे रहिबे उमा के सँवरिया
---भजत रही तोसन सुबा शाम संगी रे
बिगड़ी बनाही सबके काम संगी रे
तोषण चुरेन्द्र 'दिनकर'
धनगाँव डौंडी लोहारा बालोद छत्तीसगढ़
कोई टिप्पणी नहीं:
एक टिप्पणी भेजें