शुक्रवार, 31 मई 2024

चले रे चले आबे ना

चले आबे जी तै चले आबे ना 
माता अंजनी के ललना 
चुटकी बजावत तै चले आबे ना
१
राम सिया ला तै हिरदे मा बइठारे
अंजनी के ललना तै राम के दुलारे
हे दुखभंजन तै दुखिया के सहारा
दुनिया मा तोर गुन अगम अपारा
चले आबे जी तै चले आबे ना 
माता अंजनी के ललना 
चुटकी बजावत तै चले आबे ना
२
मात सिया के तै सोर लेके आये 
बजरंग बाला तोल राम गुन भाये
उमर बढ़ाये बर  सेंदूर ल लगाये
राम लखन सीता मैय्या मुस्काये
चले आबे जी तै चले आबे ना 
माता अंजनी के ललना 
चुटकी बजावत तै चले आबे ना

तोषण चुरेन्द्र 'दिनकर' 
धनगाँव डौंडी लोहारा बालोद छत्तीसगढ़ 

आओ अंगना पधारो

आओ अंगना पधारो श्री गणेश जी
शिव गौरा के,,,, लाडले गणेश जी 
आओ अंगना पधारो श्री गणेश जी
१
पृथ मे तुमको... जो भी ध्याता 
काम सफल... उसका हो जाता
-तुम काटो सकल कलेश जी 
-आओ अंगना......
२
जय जय जय गणराज तुम्हारे 
कृपा अगर हो जाएं  बलिहारी 
-तुम रहना साथ हमेश जी
-आओ अंगना......

शनिवार, 25 मई 2024

बेदर्दी तोर प्यार


बेदर्दी तोर प्यार ह...दीवाना कर दे हे
बड़ सताथे तोर सुरता...परवाना कर दे हे 
बेदर्दी तोर प्यार ह...दीवानी कर दे हे
बड़ सताथे तोर सुरता... मसतानी कर दे हे 

१
रात दिन झूले चेहरा...नजरे नजर मा
भूख प्यास लागे नहीं...आठो पहर मा
घेरी बेरी सुरता तोरे...रतिहा जगावै
दिल मोर माने नहीं... तोर कोती जावै
सतरंगी बैरी यार मोर...जमाना कर दे हे
बड़ सताथे तोर सुरता...परवाना कर दे हे 
बेदर्दी तोर प्यार ह...दीवानी कर दे हे
बड़ सताथे तोर सुरता... मसतानी कर दे हे 

२
जुड़ पुरवइया बहे...अचरा डोलावै
पागा के कलगी हा...मन ला मतावै
चंदा बरन चमके...माथ टिकुलिया 
बाँधे मया के डोरी...तोर पिरितिया
तोर मया मोर जिनगी मा...रवानी भर देहे
बड़ सताथे तोर सुरता... मसतानी कर दे हे 
बेदर्दी तोर प्यार ह...दीवाना कर दे हे
बड़ सताथे तोर सुरता...परवाना कर दे हे

३
सिरतो कहत हँव...कसम मैं खावँव
जनम जनम ले...तुही ला मैं पावँव
वादा हवय मोरो...छूटै नहीं बँधना
जनम जनम रबो...तोर दुनों सजना
दिल जोगनीं इकरार तोर...बियाना कर दे हे
बड़ सताथे तोर सुरता...परवाना कर दे हे 
बेदर्दी तोर प्यार ह...दीवानी कर दे हे
बड़ सताथे तोर सुरता... मसतानी कर दे हे 

©®
तोषण चुरेन्द्र 'दिनकर'
धनगांव डौंडी लोहारा 
बालोद छत्तीसगढ़ 
अपरान्ह १:३० /२५/५/२४/शनिवार

सोमवार, 20 मई 2024

दिल का चीर देखावंव तोला

।मोर दिल ला का चीर देखावंव तोला
मोर नस नस मा तही समाय हावस
ये दिल के बेचैनी बतावंव काला 
मोर दिल मा तै आगी लगाय हावस
तोर प्यार के इकरार मा 
मोर दिल हावय बेकरार ना
आके बंइहा मा तैहा समा...

१
चंदा बरन तोर गोरा बदन ह
दिल मा छुरी चलात हे
खोपा मा गजरा आंखी के कजरा
अधरे अधर मा मतात हे
तोर नैना के करार मा
बहे मया मंदरस के धार मा
आके बंइहा मा तैहा समा...

२
सुवा पाखी पोलखा हरा रंग के साड़ी
देख पवन लहरात हे
मया मतोना खवाके गोरी
देखे मोला इतरात हे
देखंव मैं नदिया कछार मा
बइठे हावंव इंतजार मा
आके बंइहा मा तैहा समा.....

©®
तोषण चुरेन्द्र 'दिनकर' 
धनगांव डौंडी लोहारा 
बालोद छत्तीसगढ़ 
6267538036/9575070689मोर दिल ला का चीर देखावंव तोला
मोर नस नस मा तही समाय हावस
ये दिल के बेचैनी बतावंव काला 
मोर दिल मा तै आगी लगाय हावस
तोर प्यार के इकरार मा 
मोर दिल हावय बेकरार ना
आके बंइहा मा तैहा समा...

१
चंदा बरन तोर गोरा बदन ह
दिल मा छुरी चलात हे
खोपा मा गजरा आंखी के कजरा
अधरे अधर मा मतात हे
तोर नैना के करार मा
बहे मया मंदरस के धार मा
आके बंइहा मा तैहा समा...

२
सुवा पाखी पोलखा हरा रंग के साड़ी
देख पवन लहरात हे
मया मतोना खवाके गोरी
देखे मोला इतरात हे
देखंव मैं नदिया कछार मा
बइठे हावंव इंतजार मा
आके बंइहा मा तैहा समा.....

©®
तोषण चुरेन्द्र 'दिनकर' 
धनगांव डौंडी लोहारा 
बालोद छत्तीसगढ़ 
6267538036/9575070689

शुक्रवार, 17 मई 2024

का तै जादू डारे


का तै जादू डारे रे
नशा अंग-अंग मा मोर चढ़गे
का तै मंतर मारे रे
नशा नस-नस मा मोर फड़के
---बनाये दिवानी मोला कहां  
अइसे चल दिये रे
का तै....

१
चढ़ती जवानी मोर उमर सोला साल हे टुरा
मया के आगी लगा के अइसे जाबे कहां
मोर सही मृगनयनी हिरनी मिले नहीं रे
खोजिले दुनिया ला मोर सही तै पाबे कहां
---खिलाये मया म गोला कहां 
अइसे चल दिये रे
का तै...

२
मोर पीरीत के पानी पियाहूं मोर बंइहा मा आना
छोड़ मोला राजा अइसे अब झन तरसा
बनाले अपन तै दिल रानी काहत हंव तोला
माते हावय फूलवा राजा मया के परसा
---बिहाये मया के मड़वा कहां 
अइसे चल दिये रे
का तै ....

तोषण चुरेन्द्र 'दिनकर' 
धनगांव डौंडी लोहारा बालोद छत्तीसगढ़ 

मोर दिल मा गिराके बिजुरिया


मोर दिल मा गिराके बिजुरिया 
अइसे जावत हस कहां संवरिया
नैना बान चलाके गुजरिया
अइसे जावत हस कहां संवरिया
---तोर मया मा होगेंव दीवाना
जादू चलाये नजरिया 
गोरी तिरछी रे तोरे नजरिया....

१
कसम खवाले मोला आजमाले 
अंगना मा दिल के तोला बैठाहूं
-
रूप नगर के मैं रहूं राजा 
प्रेम नगर के रानी बनाहूं
---नइ चलही अब कोई बहाना
बैरी दिल हे बावरिया 
चाहे कांटा भरे हो डगरिया....

२
हिरनी रेंगना चाल मसतानी
आगी लगाये चढ़ती जवानी
-
फूल कस खुसबू बनके आजा
मोर नस नस मा तही समाजा
---काय करही बैरी ये जमाना
भाग जाबो उढ़रिया
रानी बन के येे प्रेमी चिरइय्या....

तोषण चुरेन्द्र 'दिनकर' 
धनगांव डौंडी लोहारा बालोद छत्तीसगढ़

गुरुवार, 16 मई 2024

मया मतोना खवाके





मया मतोना खवाके मोला तै
जान मोर तैहा ले डारे 
पीरीत के पानी पीया के मोला तै
जान मोर तैहा ले डारे 
---हाय मृगनयनी हाय सोनपुतरी
का तै जादू कर डारे....


सुरता मा तोरे जागंव सारी सारी रतिहा
भूख प्यास लागय नहीं  दिल नहीं चैना
-
आंखी आंखी झूलै चेहरा सुरता सतावय
छुरी चलाये दिल मा तोर दुनों नैना
---गजगामिनी तैं मनरागिनी तैं
का तै जादू कर डारे....


सपना मा आथस तैह जिनगी मा आजा
प्रेम नगर घरबुंदिया बनाबो
-
रूपनगर के तै चंदारानी मैं तोर राजा
दिल मा पीरीत के दीया जलाबो
---मैं तोर दीया तै मोर बाती
का तै जादू कर डारे....

तोषण चुरेन्द्र 'दिनकर' 
धनगांव डौंडी लोहारा बालोद छत्तीसगढ़

रविवार, 12 मई 2024

मोला मया हे





















का---
मोला मया हे गोरी तोर ले भारी,
ये मया के चिन्हारी, दे देहूं तोला मया के मँय ह मुंदरी।

की---
मोला मया हे राजा तोर ले भारी,
ये मया के चिन्हारी, दे देबे मोला  मया के तँय ह मुंदरी।
(१)
का---
मिरगीन कस रेंगना तोर,दिल ल लुभावय ओ
ले डारे गोरी मोर जान तँय

की---
का जादू डारे राजा,मन ल मोही डारे रे,
नैना के अइसे मारे बान तँय

का---
दुनों मया के कुरिया बसाबो,
ये जिनगी पहाबो,दे देहूं तोला मया के मँय ह मुंदरी

(२)
की---
घमके अमरइय्या, कुहके कोयलिया,
बइरी पवन इतरावय हो

का---
मन के मिलौनी,दिल के तँय जोगनी,
भँवरा मन गुदगुदावय हो

की---
लेके बाजा अउ बैंड बराती, 
ये सुकवा पहाती,दे देबे मोला मया के तँय ह मुंदरी

(३)
का---
एसो के अकती मा, भाँवर पराबोन ओ,
दिल मा तँय राखे रहिबे धीर

की---
हावय भरोसा राजा, मया म तोर गा,
रहि रहिके उठे मया पीर

का---
मोर भरोसा ल तँय राखे रहिबे,
कोनहों झन कहिबे,दे देहूं तोला मया के मँय ह मुंदरी

©®
तोषण चुरेन्द्र 'दिनकर' 
धनगांव डौंडीलोहारा बालोद छत्तीसगढ़

गुरुवार, 9 मई 2024

मोरो बिहा करा देना


एसो मोंरो बिहा बिला ल करा देना गो...

ए दाई  ए दाई ए दाई ओ
ए भौजी  ए भौजी ए भौजी ओ
एसो मोंरो बिहा ल करा देना गो २
--दुबर राहय चाहे राहय मोठल्ली
मोला खवाही काजू मूंगफल्ली
कुछु तो चक्कर चला देना गो....

ए दाई....
(१)
कब ले घुमत राहूं मैंहा कंवारा
संगी संगवारी के बनगेहे सारा
आरा पारा नोनी बाबू खेलाहूं
मन के मोर मैना ल फिलिम देखाहूं
--घेरी बेरी तुंहर पाँव परत हँव
मानी जाना अरजी बिनती करत हँव
कुछु तो चक्कर चला देना गो....

ए दाई....
(२)
मया के मोर बर कुरिया बसादे
चंदा कस चुकले घरवाली ल लादे
पड़की परेवना कस फुदकत रहिबो
घन अमरइया कोयली कस कुहकत रहिबो
--गोरी राहय चाहे बिरबिट कारी
बनके रही मोर संग संगवारी 
कुछु तो चक्कर चला देना गो....

ए दाई....
(३)
कलपत हे चोला मन नइ माने
दिल के दरद ल कोनों नइ जाने
करत हों अरजी मोरो तैं सुनले
का होथे पीरा मोरों तैं गुनले
--का मैं एसो फेर ठाढ़े सुखावंव
का करी डारेंव कोन ल बतावंव
कुछु तो चक्कर चला देना गो..…

ए दाई....

©®
तोषण चुरेन्द्र 'दिनकर' 
धनगांव डौंडीलोहारा 
बालोद छत्तीसगढ़ 
१०/०५/२०२४ अपरान्ह १२:०३

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय