चले आबे जी तै चले आबे ना
माता अंजनी के ललना
चुटकी बजावत तै चले आबे ना
१
राम सिया ला तै हिरदे मा बइठारे
अंजनी के ललना तै राम के दुलारे
हे दुखभंजन तै दुखिया के सहारा
दुनिया मा तोर गुन अगम अपारा
चले आबे जी तै चले आबे ना
माता अंजनी के ललना
चुटकी बजावत तै चले आबे ना
२
मात सिया के तै सोर लेके आये
बजरंग बाला तोल राम गुन भाये
उमर बढ़ाये बर सेंदूर ल लगाये
राम लखन सीता मैय्या मुस्काये
चले आबे जी तै चले आबे ना
माता अंजनी के ललना
चुटकी बजावत तै चले आबे ना
तोषण चुरेन्द्र 'दिनकर'
धनगाँव डौंडी लोहारा बालोद छत्तीसगढ़
कोई टिप्पणी नहीं:
एक टिप्पणी भेजें