सतनाम सतनाम तै भजले सुजान
भागमानी काया मिले सुंदर तै जान
भागमानी काया मिले सुंदर तै जान
पंचरतन के काया, छिन मा सिराही गा
पानी परे ढेला जइसे, झट घुर जाही गा
झट घुर जाही गा
सतनाम सतनाम तै भजले सुजान
खाली हाथ आए जग मा, खाली हाथ जाना हे
संगी साथी रही जाही इहाँ, महल खजाना हे
महल खजाना हे
सतनाम सतनाम तै भजले सुजान
माटी के हे ओढ़ना संगी, माटी के बिछौना जी
सतनाम खिलाड़ी इहाँ, दुनिया खिलौना जी
दुनिया खिलौना जी
सतनाम सतनाम तै भजले सुजान
तोषण चुरेन्द्र 'दिनकर'
धनगांव डौंडीलोहारा बालोद छत्तीसगढ़ 9575070689