गुरुवार, 10 अप्रैल 2025

कुण्डलियाँ दिनकर के

[28/03, 2:30 am] तोषण चुरेन्द्र'दिनकर': पीरा

दुख पीरा सब त्याग के, दाई करे दुलार।
नौ महिना पोटार के, राखै कोख सँवार।
राखै कोख सँवार, भरन पोषन सब करके।
हे दाई भगवान, नँवावव माथ सुमर के।
खुद कोईला जान, रखै तोला जस हीरा।
बनके ध्रुव प्रहलाद,सदा हरबे दुख पीरा।

तोषण चुरेन्द्र 'दिनकर'
[28/03, 2:30 am] तोषण चुरेन्द्र'दिनकर': इतवार 

छुट्टी दिन इतवार के, होथे घर के काम।
दाई बहिनी मन कभू, करय नहीं आराम।
करय नहीं आराम, दार चाऊँर निमारे।
बिहना लेके साँझ, कमाके चिन्ता टारे।
रोजी रोटी रोज, रूपिया जोडें गिन गिन।
पड़े गरीबी मार, कहाँ मिलथे छुट्टी दिन।

तोषण चुरेन्द्र 'दिनकर'
[28/03, 2:30 am] तोषण चुरेन्द्र'दिनकर': गौरइया

मोबाइल के आय ले, टावर लगे हजार।
रेडीयेशन के मार ले, गौरइया हे चार।
गौरइया हे चार, गिने मा कमती होगे।
दिखय कहां ले चिरइ, काल के खटिया सोगे।
रक्षा करव सुजान, गाड़ के पथरा माइल।
ले गौरइया जान, काल टावर मोबाइल।

तोषण चुरेन्द्र 'दिनकर'
[28/03, 2:30 am] तोषण चुरेन्द्र'दिनकर': चिन्ता

चिन्ता चीता गोठ हे, दूनों एक समान।
जीयत एक जलात हे, एक जले शमशान।
एक जले शमशान, राख बन धुआँ उडा़वय।
सुख दुख बँधना छोड़, मुक्ति रस्दा सिरजावय।
सुम्मत बाँधव डोर, रखव आपस में मिन्ता।
काबर आही रोज, हमर घर बन में चिन्ता।

तोषण चुरेन्द्र 'दिनकर'
[28/03, 8:06 am] तोषण चुरेन्द्र'दिनकर': गौरइया

मोबाइल के आय ले, टावर लगे हजार।
रेडीयेशन के मार ले, गौरइया हे चार।
गौरइया हे चार, गिने मा कमती होगे।
दिखय कहां ले आज, काल के खटिया सोगे।
रक्षा करव सुजान, गाड़ के पथरा माइल।
ले गौरइया जान, काल टावर मोबाइल।

तोषण चुरेन्द्र 'दिनकर'
[28/03, 8:09 am] तोषण चुरेन्द्र'दिनकर': चिन्ता

चिन्ता कहिले या चिता, दूनों एक समान।
जीयत एक जलात हे, एक जले शमशान।
एक जले शमशान, राख बन धुआँ उडा़वय।
सुख दुख बँधना छोड़, मुक्ति रस्दा सिरजावय।
सुम्मत बाँधव डोर, रखव आपस में मिन्ता।
काबर आही रोज, हमर घर बन में चिन्ता।

तोषण चुरेन्द्र 'दिनकर'
[28/03, 11:29 am] तोषण चुरेन्द्र'दिनकर': नारी

सुन्ना कुरिया लागथे, नारी बिन संसार।
नारी ले हे बाड़थे, जग के घर परिवार।
जग के घर परिवार, लोग लइका के रोना।
चहके गलियन खोर, बगीचा लागे कोना।
करथे घर सिंगार, करत रहिथे नव जुन्ना।
नारी घर के नेंव, जगत नारी बिन सुन्ना।

तोषण चुरेन्द्र 'दिनकर'
[28/03, 11:29 am] तोषण चुरेन्द्र'दिनकर': चिंता

झनकर चिंता साधु रे, चिंता जी जंजाल।
छोट बड़े ला घालथे, बनथे सब के काल।
बनथे सबके काल, भात बासी नइ भावय।
घूरत रहिथे जान, पहर चारो डरवावय।
मन तँय धीरज राख,मगन रहिबे सोशन भर।
हटही दुख के घाम,कभू तँय चिंता झनकर।

तोषण चुरेन्द्र 'दिनकर'

बुधवार, 9 अप्रैल 2025

मोर मन के मैना


मोर मन के मैना, गुरतुर बैना, मन ल मता डारे ओ
का जादू डारे, मोला मोही डारे, जीव ला ले डारे ओ


पुन्नी के चंदा कस, चमके अगास, रतिहा चँदैनी लजाये
तरसत हे भुँइया, खोल के बँइहा, आजा तोला बलाये
खोगे सुख चैना, बीते न रैना, रतिहा जगा डारे ओ
का जादू डारे, मोला मोही डारे, जीव ला ले डारे ओ


झरझर झरे हाँसी, मया हे बारामासी, बनके बहार तै आजा
महिना सावन के, नाचँव मँजूर कस, बरखा बनके छाजा
दिल ल लुभाये, हिरनी तोर रेंगना, बिजली गिरा डारे ओ
का जादू डारे, मोला मोही डारे, जीव ला ले डारे ओ


तोषण चुरेन्द्र 'दिनकर' धनगांव डौंडीलोहारा 
बालोद छत्तीसगढ़

बुधवार, 2 अप्रैल 2025

दोहा अभ्यास




 [12/13/2024 10:27 PM] +91 6267 538 036: 

ईमान

धरम करम ईमान के , नइहे थोरिक मोल।

फइले भ्रष्टाचार हे , कोन कहय सत बोल।।


आगू बढ़ तैं शान से , रखके सत ईमान।

हरा सके तोला कोन हे , संग  हवय भगवान।।


बिके जिहाँ ईमान हे , सत के नइहे ठाँव।

झन जाहू मन भूल के , कभू उछाले पाँव।।


तोषण चुरेन्द्र 'दिनकर'

[12/13/2024 10:27 PM] +91 6267 538 036: 

मजदूर


बिपत हरय मजदूर के , वो नारायण वीर।

चढ़गे फाँसी हाँस के , छाती रख दिस चीर।।


संझा बिहना घाम में , काम करे मजदूर।

रुपिया पइसा कम मिले , होके जे मजबूर।।


कोन सुने मजदूर के , कहाँ करे गोहार।

हर हर कट कट दिन कटे, जिनगी हे खोहार।।


तोषण चुरेन्द्र 'दिनकर'

[12/13/2024 10:27 PM] +91 6267 538 036: 

पुरखा


खावय पुरखा राँध के , चटनी बासी भात।

काम करे दिन रात जे , माथ पसीना आत।।


सुरता पुरखा के करव , करिस देश आजाद।

कुर्बानी अमरित असन , रखव कछु मरजाद।।


कहाँ गँवागे आज सब , वो पुरखा के गोठ।

कथा कहानी चुटकुला , बोली पोठे पोठ।।


तोषण चुरेन्द्र 'दिनकर'

[12/13/2024 10:27 PM] +91 6267 538 036: 

जाड़/जाड़ा


कोन नहाये जाड़ मा , पानी मुड़ मा छीत।

देखत कोनों नइ इहाँ , इही  जगत के रीत।।


कथरी कंबल ओढ़ के , सुते रहव दिन रात।

हावय महिना जाड़ के , झोरव ताते तात।।


पीयव सब पानी गरम , ओढ़व कंबल शाल।

महिना जाड़ बतास के , गुरहा चाय उबाल।।


तोषण चुरेन्द्र 'दिनकर'

[12/13/2024 10:35 PM] +91 6267 538 036: 

जाड़/जाड़ा


कोन नहाये जाड़ मा , पानी मुड़ मा छीत।

देखत कोनों नइ इहाँ , इही  जगत के रीत।।


कथरी कंबल ओढ़ के , सुते रहव दिन रात।

हावय महिना जाड़ के , झोरव ताते तात।।


पीयव सब पानी गरम , ओढ़व कंबल शाल।

महिना जाड़ बतास के , गुरहा चाय उबाल।।


तोषण चुरेन्द्र 'दिनकर'

[12/21/2024 1:09 PM] +91 6267 538 036: 

गुरु घासीदास बाबा


गुरु घासीदास के, चरन नवावँव माथ।

बने रहय किरपा सदा, माँगव अतकी साथ।।


जपन करव सतनाम के, रखव गुरु के ध्यान।

जग वंदन सब मिल करे, घासीदास महान।।


गिरौदपुर निक धाम हे, प्रगटे घासीदास।

जेकर पुण्य प्रताप ले, सबके मिटथे प्यास।।


बोलव सत के बोल सब, सत के मिसरी घोर।

सादा जिनगी ला रखव, सतनाम के शोर।।


महिमा घासीदास के, गावत हे संसार।

करनी कथनी एक हे, दया धरम सत्कार।।


तोषण चुरेन्द्र 'दिनकर'

[1/2/2025 8:35 AM] +91 6267 538 036: 

दोहा छंद अभ्यास


सृजन शब्द- अभ्यास


समय:- 24 घंटा

******************************

रखके जे मन मा लगन, करथे नित अभ्यास।

चढ़े सफलता नाँव मा, बाँध हृदय मा आस।।


[1/2/2025 8:44 AM] +91 6267 538 036: 

महँगाई


महँगाई के मार ले, मनखे बाँचे कौन।

गरीब मन पीसात हे, शासन तभ्भो मौन।।


सुरसा कस मुह खोल के, देखत हावय आज।

महँगाई के आँच ले, भुगतै गाँव समाज।।


बाढ़ै काँदा नार कस, महँगाई बड़ आज।

बिन पानी बादर इहाँ, दिन दिन गिरथे गाज।।


तोषण चुरेन्द्र 'दिनकर'

[1/2/2025 8:54 AM] +91 6267 538 036: 

अभ्यास


बिन महिनत अउ बिन लगन, होय नहीं अभ्यास।

बनके साधक साध ले, गुरुजी हावय पास।।


बिन गुरु बिन अभ्यास के, सधे नहीं सब काम।

चलत रहव सत राह में, किरपा करही राम।।


तमगा बर अभ्यास कर, झन धर हाथ म हाथ।

मिलही मंजिल एक दिन, इच्छा रखतै साथ।।


तोषण चुरेन्द्र 'दिनकर'

[1/2/2025 9:04 AM] +91 6267 538 036: 

नवा बछर


नवा बछर नव चेतना, भरलौ मन में आज।

दीया मन विश्वास के, करलौ सुंदर काज।।


नवा बछर उत्साह के, भरके मन आस।

करनी कथनी साँच के, हे हर दिन मधुमास।।


परन करव मिल आज सब, नवा बछर नव ज्ञान।

भूल चूक ला भूल के, नवा धरव कछु ध्यान।।


तोषण चुरेन्द्र 'दिनकर'

तिहार



 तिहार


भाथे गजब तिहार, हमरो छत्तीसगढ़ के।

मया भरे भरमार, दाई ममता पोरसत।।


नारी


बनथे सिरजनहार, नारी शक्ति अमोग हे।

करथे जग उद्धार, होवत पूजा हे तभे।।


लव कुश ध्रुव प्रहलाद, जेकर कोरा जनिस हे।

नारी शक्ति अगाद, कोन पार पावय इहाँ।।


बड़े देश के शान, चलथे नारी साथ में।

पावय जग मा मान, शोभा घर परिवार के।।


 तिहार


होरी रंग तिहार, करिया हा पिचका धरे।

राधा दउड़े खार, देख बिचारी का करे।।


देवारी के जोर, पहिरे कुरता हे नवा।

टिकली बम के शोर, फोड़त हे धडधड़ टुरा।।


तोषण चुरेन्द्र 'दिनकर'

गाँव



गाँव


हरियर खेती खार, गाँव घर सुग्घर लागय।

चहके आमा डार, कोयली मन ला भावय।

दया मया के रीत, भरे सब डोली कोठी।

बाँस ददरिया गीत, चुरे सुमता के रोटी।


गाँव


हरियर खेती खार, गाँव घर सुग्घर लागय।

चहके आमा डार, कोयली मन ला भावय।

दया मया के रीत, भरे सब कोठी डोली।

बाँस ददरिया गीत, रंग मा  झुमरय होली।


तोषण चुरेन्द्र दिनकर

कुण्डलियाँ अभ्यास





 महँगाई


महँगाई  के मार ले, बाँचे हावय कोन।

रोवय आँसू ढार के, महँगा चांदी सोन।

महँगा चांदी सोन, कोन अब पहिरे गहना।

परे गरीबी मार, गोठ काकर ले कहना।

धर तइहा के बात, रहे बड़ के करलाई।

छोड़त नइहे जान, रात अउ दिन महँगाई।


 छप्पर छंद


शिवरात

जपलव शिव के नाम, संग मा उमा भवानी।

जपथे निशदिन राम, राम के कथे कहानी।

फागुन चौदस जान, बनिस हे दुल्हा शंकर।

खुश होगे संसार, झुमे सब कंकर कंकर।

जब तक ले जिनगी रही, फुरसत नइहे काम के।

भक्ति भजन शिव नाम के, उमारमन सुखधाम के।


 अभ्यास 

पेड़ (कुण्डलियाँ)


हरियर हरियर पेड़ के , जतन करव अब थोर।

मिलथे जीवन हे सदा, होवय जग मा शोर।

होवय जग मा शोर, पेड़ जुरमिल सिरजावौ।

देथे फर अउ फूल, दवा सब कूट बनालौ।

बगरे शीतल छाँव, हवा जग मिलथे फरियर।

झूमै खेती खार, पेड़ लहरावै हरियर।


पेड़ कुण्डलियाँ अभ्यास 


झन काटव मित पेड़ ला, बने रहव रखवार।

जिनगी देथे रोज के, जानत हे संसार।

जानत हे संसार, पेड़ के महिमा भारी।

जानव औषधि खान, जगत के सब नर नारी।

बीज बने नित पेड़, बीज जन जन ला बाटव।

करलौ रक्षा आज, पेड़ ला झन तुम काटव।


अभ्यास 

पेड़ (कुण्डलियाँ)


हरियर हरियर पेड़ के , जतन करव अब थोर।

मिलथे जीवन हे सदा, होवय जग मा शोर।

होवय जग मा शोर, पेड़ जुरमिल सिरजावौ।

देथे फर अउ फूल, दवा सब कूट बनावौ।

बगरे शीतल छाँव, हवा जग मिलथे फरियर।

झूमै खेती खार, पेड़ लहरावै हरियर।


 पानी  कुण्डलियाँ अभ्यास 


बिन पानी सब सून हे, पानी जग आधार।

करलौ रक्षा बूँद के, गोठ हवय हित सार।

गोठ हवय हित सार, मान सुग्घर ये कहना।

हे अनुपम अनमोल, सम्हालौ जानव गहना।

अमरित सम हे जान, लगे नित निर्मल बानी।

सबके मिटथे प्यास, रखव घट घट मा पानी।


 पेड़ कुण्डलियाँ अभ्यास 


झन काटव अब पेड़ ला, बने रहव रखवार।

जिनगी देथे रोज के, जानत हे संसार।

जानत हे संसार, पेड़ के महिमा भारी।

जानव औषधि खान, जगत के सब नर नारी।

बीज बने नित पेड़, बीज जन जन ला बाटव।

करलौ रक्षा आज, पेड़ ला झन तुम काटव।


 फागुन कुण्डलियाँ अभ्यास


लाली परसा फूल के, मया रंग बरसाय।

कान्हा राधा संग मिल, होरी रास रचाय।

होरी रास रचाय, रंग फागुन उड़ियावै।

बाजै तासा ढोल, मस्त मन फगुवा गावै।

हरियर पिवरा देख, झुमै सरसों के बाली।

झुमरै बिरिज भुवाल, दिखत हे रधिया लाली।


कुण्डलियाँ  अभ्यास  


चोरो बोरो फाग


चोरो बोरो फाग सब, माते पीके भाँग।

झगरा लड़ई जे करे, खूँटी धरके टाँग।

खूँटी धरके टाँग, लबारी मारे तेला।

धरव मुड़ी अउ पूँछ, करय झन ठेलिक ठेला।

मया भरे  हे रंग,  भेद के झिटका टोरो।

एसो फाग तिहार, करव झन चोरो बोरो।


 फाग कुण्डलियाँ  अभ्यास


देखव अबके फाग मा, कहाँ नँगारा ढोल।

मनमाडे़ डीजे बजे, नाचय कुरथा खोल।

नाचय कुरथा खोल, लाज थोरिक नइ आवय।

गावय फूहड़ गीत, देख के अउ इतरावय।

छोड़ दिखावा रंग, मया के भजिया सेकव।

जिनगी हे सतरंग, मया मा जी के देखव।



कुण्डलियाँ अभ्यास 


बनवारी....


बनवारी घनश्याम के, सुनके मुरली तान।

नाचे राधा झूम के, ललिता मीत मितान।

ललिता मीत मितान, बिसाखा के पिचकारी।

छीते रंग गुलाल, बिरिज के सब नर नारी।

माते मधुबन रास, संग गोवर्धन गिरधारी।

प्रेम जगत के रीत, कहे राधा बनवारी।


 कुण्डलियाँ अभ्यास 


बनवारी....


बनवारी घनश्याम के, सुनके मुरली तान।

नाचे राधा झूम के, ललिता मीत मितान।

ललिता मीत मितान, बिसाखा के पिचकारी।

छीते रंग गुलाल, बिरिज के सब नर नारी।

माते मधुबन रास, संग नटवर गिरधारी।

प्रेम जगत के रीत, कहे राधा बनवारी।


पीरा


दुख पीरा सब त्याग के, दाई करे दुलार।

नौ महिना पोटार के, राखै कोख सँवार।

राखै कोख सँवार, भरन पोषन सब करके।

हे दाई भगवान, नँवावव माथ सुमर के।

खुद कोईला जान, रखै तोला जस हीरा।

बनके ध्रुव प्रहलाद,सदा हरबे दुख पीरा।


इतवार 


छुट्टी दिन इतवार के, होथे घर के काम।

दाई बहिनी मन कभू, करय नहीं आराम।

करय नहीं आराम, दार चाऊँर निमारे।

बिहना लेके साँझ, कमाके चिन्ता टारे।

रोजी रोटी रोज, रूपिया जोडें गिन गिन।

पड़े गरीबी मार, कहाँ मिलथे छुट्टी दिन।


गौरइया


मोबाइल के आय ले, टावर लगे हजार।

रेडीयेशन के मार ले, गौरइया हे चार।

गौरइया हे चार, गिने मा कमती होगे।

दिखय कहां ले चिरइ, काल के खटिया सोगे।

रक्षा करव सुजान, गाड़ के पथरा माइल।

ले गौरइया जान, काल टावर मोबाइल।


चिन्ता


चिन्ता चीता गोठ हे, दूनों एक समान।

जीयत एक जलात हे, एक जले शमशान।

एक जले शमशान, राख बन धुआँ उडा़वय।

सुख दुख बँधना छोड़, मुक्ति रस्दा सिरजावय।

सुम्मत बाँधव डोर, रखव आपस में मिन्ता।

काबर आही रोज, हमर घर बन में चिन्ता।


 गौरइया


मोबाइल के आय ले, टावर लगे हजार।

रेडीयेशन के मार ले, गौरइया हे चार।

गौरइया हे चार, गिने मा कमती होगे।

दिखय कहां ले आज, काल के खटिया सोगे।

रक्षा करव सुजान, गाड़ के पथरा माइल।

ले गौरइया जान, काल टावर मोबाइल।


चिन्ता


चिन्ता कहिले या चिता, दूनों एक समान।

जीयत एक जलात हे, एक जले शमशान।

एक जले शमशान, राख बन धुआँ उडा़वय।

सुख दुख बँधना छोड़, मुक्ति रस्दा सिरजावय।

सुम्मत बाँधव डोर, रखव आपस में मिन्ता।

काबर आही रोज, हमर घर बन में चिन्ता।


 नारी


सुन्ना कुरिया लागथे, नारी बिन संसार।

नारी ले हे बाड़थे, जग के घर परिवार।

जग के घर परिवार, लोग लइका के रोना।

चहके गलियन खोर, बगीचा लागे कोना।

करथे घर सिंगार, करत रहिथे नव जुन्ना।

नारी घर के नेंव, जगत नारी बिन सुन्ना।


 नारी


सुन्ना कुरिया लागथे, नारी बिन संसार।

नारी ले हे बाड़थे, जग के घर परिवार।

जग के घर परिवार, लोग लइका के रोना।

चहके गलियन खोर, बगीचा लागे कोना।

करथे घर सिंगार, करत रहिथे नव जुन्ना।

नारी घर के नेंव, जगत नारी बिन सुन्ना।


चिंता


झनकर चिंता साधु रे, चिंता जी जंजाल।

छोट बड़े ला घालथे, बनथे सब के काल।

बनथे सबके काल, भात बासी नइ भावय।

घूरत रहिथे जान, पहर चारो डरवावय।

मन तँय धीरज राख,मगन रहिबे सोशन भर।

हटही दुख के घाम,कभू तँय चिंता झनकर।


 पारी


देथे सब दिन राँध के, आगे पारी मोर।

सुक्खा होथे साग हा, रहिथे पनियर झोर। 

रहिथे पनियर झोर, कलाके खावन तब ले।

सब बर्तन ला माँज, चकाचक रखथौं खब ले।

सुग्घर हे मनजोग, संग मोला वो लेथे।

पारी कभू कभार, करम करनी हर देथे।


कुटकी कोदो 


कुटकी कोदो धान के, गमकत हे खलिहान।

खुशियार संग जोंधरा, झूमय मगन किसान।

झूमय मगन किसान, तिली अरसी रठियागे।

सरसों भाजी साग, गहूँ धनिया छरियागे।

पाके चना उरीद, हाँस के नाचे छुटकी।

खाहे हमर सियान, राँध के कोदो कुटकी।


 मेला माया


माया के बाजार हे, सुख दुख के हे खेल।

मेला मा मेलात हे, होवत ठेलिक ठेल।

होवत ठेलिक ठेल, चलत हे जिनगी गाड़ी।

जरके होही राख, हवै तन पुतरा काड़ी।

झन कर गरब गुमान, चार दिनिया के काया।

बेंदरा नाच नचाय, रोज के मेला माया।


 मेला माया


माया के बाजार हे, सुख दुख के हे खेल।

मेला मा मेलात हे, होवत ठेलिक ठेल।

होवत ठेलिक ठेल, चलत हे जिनगी गाड़ी।

जरके होही राख, हवै तन पुतरा काड़ी।

झन कर गरब गुमान, चार दिनिया के काया।

बेंदरा नाच नचाय, रोज के मेला माया।


मेला माया


माया के बाजार हे, सुख दुख के हे खेल।

मेला मा मेलात हे, होवत ठेलिक ठेल।

होवत ठेलिक ठेल, चलत हे जिनगी गाड़ी।

जरके होही राख, हवै तन पुतरा काड़ी।

झन कर गरब गुमान, चार दिनिया के काया।

बंदर नाच नचाय, रोज के मेला माया।


 बेटी शैल पुत्री 


बेटी पर्वतराज के, पुत्री शैल कहाय।

पूजा नित नवरात मा,तिथि एकम हे भाय।

तिथि एकम हे भाय, बरस हे हिन्दू मनके।

पबरित महिना चैत, चेत करले बन ठनके।

मइया के आशीष, झोक तै भर भर पेटी।

धन धन दाई बाप, जनम धर आथे बेटी।


तोषण चुरेन्द्र 'दिनकर'

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय