तिहार
भाथे गजब तिहार, हमरो छत्तीसगढ़ के।
मया भरे भरमार, दाई ममता पोरसत।।
नारी
बनथे सिरजनहार, नारी शक्ति अमोग हे।
करथे जग उद्धार, होवत पूजा हे तभे।।
लव कुश ध्रुव प्रहलाद, जेकर कोरा जनिस हे।
नारी शक्ति अगाद, कोन पार पावय इहाँ।।
बड़े देश के शान, चलथे नारी साथ में।
पावय जग मा मान, शोभा घर परिवार के।।
तिहार
होरी रंग तिहार, करिया हा पिचका धरे।
राधा दउड़े खार, देख बिचारी का करे।।
देवारी के जोर, पहिरे कुरता हे नवा।
टिकली बम के शोर, फोड़त हे धडधड़ टुरा।।
तोषण चुरेन्द्र 'दिनकर'
.jpg)
कोई टिप्पणी नहीं:
एक टिप्पणी भेजें