बुधवार, 29 नवंबर 2023

घुमेला आबे

-----------------------------------------
ददरिया मा प्रयास 
-----------------------------------------
मुखड़ा
का/-मोर कारी करौंदा मोर मन के मिलौना
घुमेला आबे का ओ बंगला बारी
बंगला बारी के रव्हैया जोड़ीदार
घुमेला आबे का ओ बंगला बारी
-----------------------------------------
की/-मोर मन के तै मोहना मोर दिल तै जोहना
घुमेला आबे का ओ बंगला बारी
बंगला बारी के रव्हैया जोड़ीदार
घुमेला आहूँ का रे बंगला बारी
-----------------------------------------
अंतरा 1
का/-नदिया कछार बहे ला झिरिया
मोला दगा झन देबे ओ बही तै खाले किरिया 
ओ बंगला बारी
बंगला बारी के रव्हैया जोड़ीदार
घुमेला आबे का ओ बंगला बारी
-----------------------------------------
अंतरा 2
की/-राँधे ल अरसा रे गुर पागे ना
तोर झुलपाहा चुँदी म राजा मोर मन भागे ना
रे बंगला बारी
बंगला बारी के रव्हैया जोड़ीदार
घुमेला आहूँ का रे बंगला बारी
-----------------------------------------
अंतरा 3
का/-गिरे ला पानी चुहेला छानी ओ
तोर मोहनी सुरतिया मा रानी लगेहे बानी 
का ओ बंगला बारी
बंगला बारी के रव्हैया जोड़ीदार
घुमेला आबे का ओ बंगला बारी
-----------------------------------------
अंतरा 4
की/-माघी के महिना पून्नी के मेला ना
संग जाबो अधरतिया जँवारा घुमेला ना रे
का हो बंगला बारी
बंगला बारी के रव्हैया जोड़ीदार
घुमेला आहूं का रे बंगला बारी
-----------------------------------------
अंतरा 5
का/-तोर मोर जोड़ी अगम जानी ओ
जुग जुग चढ़े राहय जहुँरिया पीरीत पानी 
का ओ बंगला बारी
बंगला बारी के रव्हैया जोड़ीदार
घुमेला आबे का ओ बंगला बारी
-----------------------------------------
अंतरा 6
की/-एसो के अक्ती रंगाबो हरदी
मया कुरिया बसाबो गा जल्दी के जल्दी 
गा बंगला बारी
बंगला बारी के रव्हैया जोड़ीदार
घुमेला आहूं का रे बंगला बारी

-----------------------------------------
रचनाकार
तोषण चुरेन्द्र दिनकर
धनगांव डौंडीलोहारा
बालोद छत्तीसगढ़
9575070689//6267538036
-----------------------------------------

सरदी के महिमा

*सरदी के महिमा*

होत बिहनिया कुकरा बाक।
होगे सरदी बोहे नाक।
कथरी चद्दर करले जोर।
खैरी चना गरम तँय झोर।.......

आगी बूगी चुल्हा बार।
कोन नहावय बारम्बार।
साल सुवेटर तन भर लाद।
गली घुमे के झन कर साद।.......

सर सर पुरवा मारे बान।
लगथे जइसे लेही जान।
पीयव पानी करके गरम।
जानव भइया एखर मरम।........

जेवन करलव हल्का भात।
बढ़िहा कटही सबके रात।
तोषण दिनकर करथे गोठ।
बदरा फेकव राखव पोठ।.........

रचनाकार
-तोषण चुरेेन्द्र दिनकर 
धनगांव डौंडीलोहारा 
बालोद छत्तीसगढ़

सोमवार, 27 नवंबर 2023

कब आबे मोर राजा राम

सादर समीक्षार्थ 

कब आबे मोर राजा राम 
करँव अगोरा आमा छाँव मा
तोर रद्दा मा फूल बिछावँव,
घेरी बेरी तोर सुरता लमावँव
झन काँटा गड़े तोर पाँव मा....

आँखी मोर पथरा होगे,
करत तोर निहोरा मा
गंगा जल ला भरके रखे हँव,
कठवा के कठौता मा
करेजा भीतरी तोला बइठारँव,
तोर मोहनी सुरतिया निहारँव
कब आबे प्रभु मोर ठाँव मा....

तोर दरस के आस हावय,
अरजी मोरो तँय सुन ले
आनी बानी के काँदा कुसा
राखे हावँव चुन–चुन ले
चिरई चिरगुन ला मँय हा हिकारँव,
आजा आवत हे राम पुकारँव
बड़ जादू भरे जेकर पाँव मा...

पुरखा मोरो तर जाही गा
एक घाँव पँउरी धो वाले
बीच मझधार हे मोरो डोंगा
भवसागर पार लगाले
तोर भक्ति ला मँय हा पावँव,
दिन राती तोला गुनगुनावँव
तोषन कहिथे गाँव-गाँव मा....

तोषण चुरेन्द्र दिनकर 
धनगांव डौंडीलोहारा बालोद छत्तीसगढ़

रविवार, 26 नवंबर 2023

संत

सतयुग में "धर्म" चारो--पावो से बिलकुल सही-सलामत था..!
त्रेता में इसका एक पाँव टूट गया और.. "धर्म" तीन पावो पार टिका राहा..!
द्वापर में इसके दो पाँव टूट गए..और.."धर्म" दो पावो पार लुढ़कता राहा..!!
कलियुग में इसके तीन पाँव बिलकुल ही नहीं है..और "धर्म" एक पाँव पार लकवाग्रस्त होकर सिसक राहा है..!!!
इस एक पाँव को सही--सलामत बनाये रखने की जरुरत है..नहीं तो क़यामत दूर नहीं..!
इसलिए..वैज्ञानिकों ने दुनिया को तवाह करने के लिए अधुनातन परमाणु -तकनीक इजाद कर ली है..बम के एक ही धमाके से शारी दुनिया तवाह हो सकती है.मानव की .तीन चौथाई शक्ति इसी विनाश में लगी हुयी है.. !
ऐसे में धर्म एक लकवाग्रस्त पाँव से लगाड़ता हुआ सिसक राहा है..!
संत--महान--पुरुष शान्ति का सन्देश लिए घूम रहे....!
आग लगी आकाश में झड--झड गिरे अंगार..!संत न होते जगत में तो जल मरता संसार..!!!
संत बड़े परमार्थी..घन ज्यो बरसे आय..तपन मिटावे और की अपनी पारस लाय..!!
...तो संतो के पास जो पारस--मणि है..जो शांति का सन्देश है..वही इस विनाश से बचा सकता है..!इसीलिए..हे मानव..! उठो..!जागो.!.और अपने ह्रदय में स्थित शाश्वत-शान्ति के अनमोल खजाने को प्राप्त करो..!

मंगलवार, 14 नवंबर 2023

माते हे देवारी

माते हे देवारी

माते हे देवारी दीया संग मा।
छाय हावय सतरंगी रंग मा।
किरपा रहय लछमी गनेस के, 
नाचय खुशी घलो उमंग मा।

अन्न महतारी के भंडार भरय।
जम्मों किसनहा जोरा करय।
देख - देख के अँजोर दीया के,
चंदा सूरूज घलो लाज मरय।

चारो कोती गा बगरय उजियारी।
रहय झन कोनो करा अंधियारी।
सुमता की गठरी  बँधे रहय संगी,
तुँहर हमर एसो के सुग्घर देवारी।

पर्यावरण ल संगी सब बचावव।
फट-फटाका कमती ले चलावव।
साँसा मिले हावय जी वरदान मा,
प्रकृति  रक्छा बर  चेत लगावव।

©®
तोषण चुरेन्द्र दिनकर 
धनगांव डौंडीलोहारा 
बालोद छत्तीसगढ़ 
१३/११/२०२३

बुधवार, 1 नवंबर 2023

तोर गुन ला गावँव ओ

गुन ला गावँव ओ...छत्तीसगढ़ महतारी

गुन ला गावंँव गुन ला गावँव गुन ला गावँव ओ 
छत्तीसगढ़ महतारी तोर महिमा हावय भारी 
तोर गुन ला गावँव ओ

कुकरा के बांक सुने सूरुज पांँव पसारे  
बड़े बिहना चिरइ चिरगुन कोयली कुहकी मारे
पाँव पखारँव पाँव पखारँव पाँव पखारँव ओ
छत्तीसगढ़ महतारी तोर महिमा हावय भारी 
तोर गुन ला गावँव ओ

तोर कोरा मा लहरावय अरपा पइरी धारे
महानदी सोढूंर के झुमरथे कसारे
लहलहावय  लहलहावय लहलहावय ओ
छत्तीसगढ़ महतारी तोर महिमा हावय भारी 
तोर गुन ला गावँव ओ

रूख राई जंगल झाड़ी तोरेच सिंगार हे
देव धामी तीरथ बर्थ हीरा के भंडार हे
जगमगावय  जगमगावय जगमगावय ओ
छत्तीसगढ़ महतारी तोर महिमा हावय भारी 
तोर गुन ला गावँव ओ

@गीतकार 
तोषण चुरेन्द्र दिनकर 
धनगांव डौंडीलोहारा 
बालोद छत्तीसगढ़

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय