*सरदी के महिमा*
होत बिहनिया कुकरा बाक।
होगे सरदी बोहे नाक।
कथरी चद्दर करले जोर।
खैरी चना गरम तँय झोर।.......
आगी बूगी चुल्हा बार।
कोन नहावय बारम्बार।
साल सुवेटर तन भर लाद।
गली घुमे के झन कर साद।.......
सर सर पुरवा मारे बान।
लगथे जइसे लेही जान।
पीयव पानी करके गरम।
जानव भइया एखर मरम।........
जेवन करलव हल्का भात।
बढ़िहा कटही सबके रात।
तोषण दिनकर करथे गोठ।
बदरा फेकव राखव पोठ।.........
रचनाकार
-तोषण चुरेेन्द्र दिनकर
धनगांव डौंडीलोहारा
बालोद छत्तीसगढ़
कोई टिप्पणी नहीं:
एक टिप्पणी भेजें