का तै जादू डारे रे
नशा अंग-अंग मा मोर चढ़गे
का तै मंतर मारे रे
नशा नस-नस मा मोर फड़के
---बनाये दिवानी मोला कहां
अइसे चल दिये रे
का तै....
१
चढ़ती जवानी मोर उमर सोला साल हे टुरा
मया के आगी लगा के अइसे जाबे कहां
मोर सही मृगनयनी हिरनी मिले नहीं रे
खोजिले दुनिया ला मोर सही तै पाबे कहां
---खिलाये मया म गोला कहां
अइसे चल दिये रे
का तै...
२
मोर पीरीत के पानी पियाहूं मोर बंइहा मा आना
छोड़ मोला राजा अइसे अब झन तरसा
बनाले अपन तै दिल रानी काहत हंव तोला
माते हावय फूलवा राजा मया के परसा
---बिहाये मया के मड़वा कहां
अइसे चल दिये रे
का तै ....
तोषण चुरेन्द्र 'दिनकर'
धनगांव डौंडी लोहारा बालोद छत्तीसगढ़
कोई टिप्पणी नहीं:
एक टिप्पणी भेजें