======================================
राखी गीत
======================================
कोयली कुहकत हे आमा के डार मा रे
भैया आही,भैया आही मोर राखी तिहार मा
---घर ले मैं निकलंव बहिरी अउ भीतरी,रतिहा पहागे इंतजार मा
भैया आही,भैया आही मोर राखी तिहार मा
======================================
सावन महिना के पुन पुनवासी,रद्दा ल जोहत रइहंव
कइसे भुलाये तै बहिनी ल अपन,आवत भैया ल कइहंव
---कब तै आबे भैया मयारूक,कोंन्हों नइ दिखे अंधियार मा
भैया आही,भैया आही मोर राखी तिहार मा
======================================
दाई ददा के रतन बेटा,धरती के सेवा बजाये
आरो ल लेले बहिनी के अपन,घर अंगना बलाये
---मोर आंखी के तारा भैया,करदे अंजोरी संसार मा
भैया आही,भैया आही मोर राखी तिहार मा
======================================
थारी सजाये हंव तिलक चंदन,सूरूज बरन हे राखी
मया पीरीत के धागा पिरोयेंव,लागे मँजूर के पाखी
---झन होवय सुन्ना तोर कलाई,ये राखी के तिहार मा
भैया आही,भैया आही मोर राखी तिहार मा
======================================
रचनाकार
तोषण चुरेेन्द्र 'दिनकर'
धनगाँव डौंडी लोहारा बालोद छत्तीसगढ़ ४९१७७१
६२६७५३८०३६//९५७५०७०६८९
कोई टिप्पणी नहीं:
एक टिप्पणी भेजें