लहराये भुवन मा नव दिन रतिहा..
दाई ओ हरियर जंवारा...
रिगबिग रिगबिग जोत करत हे$... हो$......
दुनिया ल करे उजियारा$.........
१
सुरहीन गैया के गोबर मंगाएंव
खुंट धरी अंगना लिपाये हों
अगरी चंउर के बगरी पिसान
सुग्घर चँऊक पुरायें हो
सोनेन सोनकर करसा मढ़ायें$व हो$.....
दरसन होवे जग सारा$......
२
तिही दुर्गा जगदंबे ओ काली
बैरी ल मार गिराये हो
अपन भगत बिपति ल टारे
सबके आस पुराये हो
चैत कुंवार म मेला भरायें$.....हो$...
झूमै नाचै झार झारा$...
३
नवदिन अउ नवरतिहा दाई
नवरूप दुर्गा आये हो
ममता मुर्ती दया के सुरती
सबके मनला भाये हो
आके तैहा बिराजे माता$...हो$....
अली गली आरा पारा$.......
तोषण चुरेन्द्र 'दिनकर'
धनगांव डौंडीलोहारा
कोई टिप्पणी नहीं:
एक टिप्पणी भेजें