पारवती के रखवाला
पारवती के रखवाला तै, शंकर डमरूवाला गा,
हे अवघड़िया भोले बाबा, पीये तैं विष के प्याला गा।
बम बम बम बम हर हर बम,
बम बम बम बम हर हर बम।
अंतरा — १
जटा म गंगा धार बहत हे, माथे म चंदा झलकत हे,
नाग देवता गला म लिपटे, भूत-पिशाच गमकत हे।
तन म भस्म रमाय के बाबा, रूप ह अजब निराला गा,
डमरू बाजे डम-डम- डम-डम, नाचे जग मतवाला गा।
बम बम बम बम हर हर बम,
बम बम बम बम हर हर बम।
अंतरा — २
नंदी ऊपर चढ़के बाबा, कैलाश धाम म जावय गा,
दीन-दुखी के दुख ल हरके , मनखे के मन ल भावय गा।
बेल-पाना अउ धतूरा लेके, भक्त चढ़ावय माला गा,
एकक लोटा जल चढ़ा दे, खुल जथे किस्मत ताला गा।
बम बम बम बम हर हर बम,
बम बम बम बम हर हर बम।
अंतरा — ३
भोला के दरबार म आके, कोनों नइ जावय खाली,
भक्ति म झूमे नर अउ नारी, बाजे मंजीरा अउ ताली।
त्रिपुरारी तै, नीलकंठ तै, तै ही जग के रखवाला गा,
तोर नाँव के जोत जलाके, मिट जथे दुख के ज्वाला गा।
बम बम बम बम हर हर बम,
बम बम बम बम हर हर बम।
अंतरा — ४
गौरा संग कैलाश विराजे, मुड़ी मा गंगा मइया,
गणपति अउ कार्तिक के संग मा, सोहय पारबती मइया।
तोषण दिनकर गावत बाबा, फेरत नाँव के माला गा,
जनम-जनम ले साथ निभाबे , मोर महादेव रखवाला गा।
बम बम बम बम हर हर बम,
बम बम बम बम हर हर बम।
तोषण चुरेन्द्र 'दिनकर'
धनगांव डौंडीलोहारा बालोद छत्तीसगढ़
9575070689
कोई टिप्पणी नहीं:
एक टिप्पणी भेजें