बुधवार, 7 जनवरी 2026

पूस पून्नी

​🌾 पुस पुन्नी के धूम 🎊
​पूस पुन्नी लागिस, लागे मेला मड़ई,
सब्बो जघा हावय, भारी हावड़-तड़ई।
आनी-बानी के मिठई, दुकान हावय जमे,
जलेबी, खुर्मि अउ लाटा, मुँह म पानी रमे।

​सगा-सहोदर के अवई, घर-दुआर हावय भरे,
सब मिल-जुल के बइठै, गोठ-बात हावय करे।
सुख-दुःख के बात, हँसी-ठट्ठा हावय चलै,
मनखे-मनखे के मया, ए परब म हावय मिलै।

​राती बेरा जब होथे, तब सुरू होथे नाचा,
मांदर के ताल म, थिरकथे सबो के ढाँचा।
पंथी, करमा अउ ददरिया, धुन मनमोहक लागै,
एकर मस्ती म परानी, रात भर जागत लागै।

​परब के आखिरी दिन, छेरछेरा के होथे भेंट,
"छेरछेरा माई कोठी के धान हेर हेरा" कहिथें, जेठ।
अन्नदान के परब, जेमा धान के दान होथे,
गरीब गुरबा के पेट, मया से सम्मान होथे।

​पूस पुन्नी तिहार, छत्तीसगढ़ के हावय शान,
जनम-जनम ले चलत, हमर संस्कृति के मान।
ए परब हावय जोड़त, भाई-बंधु अउ समाज,
खुशी अउ उल्लास के, ए छत्तीसगढ़ी राज।

तोषण चुरेन्द्र 'दिनकर' 

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय