रविवार, 12 अक्टूबर 2025

सुवागीत


सुवागीत

तरी हरी नाहना मोर नाहना सुवा ना रे 
छंइया होगे निरदइया 
छोंड़ के गये परदेशी सुवा ना रे
छंइया होगे निरदइया 


बाहर बटोरेंव मैं अंगना लिपाऐंव ओ
सजना मोर आही संगवारी 
तुलसी के चौंरा तीर करसा सजाऐंव दीदी 
आगे हे दीया देवारी
तरी हरी नाहना मोर नाहना सुवा ना रे.......


दू दिन के चार दिनिया लागै दीदी मोर 
महिना बछर बिलमागे
जलदी आहूं कहिके निकले सुवा संगी
सुरता मोर कइसे भुलागे
तरी हरी नाहना मोर नाहना सुवा ना रे.......


जलदी से आजा मोर छंइया बिदेशी के
जोहत रहिथौं पारे पाटी
नैना बिछाये हँव सुरता लमाये हँव
रहिथौं दीया बिन जस बाँती
तरी हरी नाहना मोर नाहना सुवा ना रे.......


तोषण चुरेन्द्र 'दिनकर' 
धनगांव डौंडीलोहारा बालोद छत्तीसगढ़ 
9575070689

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय