सोमवार, 25 सितंबर 2023

रंगरेली मोर मैना


रंगरेली मोर मैना ओ का जादू डारे
संवरेगी मोर कैना ओ का जादू डारे
अनपानी नंइ सुहावै कहीं दिल नंइ लागै
अलबेला मोर छैला रे मोर मन मोही डारे
रंगरेला तोर लैला मैं का जादू डारे
तोर सुरता सतावै मोला नींद नंइ आवै
÷÷÷÷÷÷÷÷÷÷÷÷÷÷÷÷÷÷÷÷÷
तोर बिना रानी मोला आवै नहीं चैना
बड़ा नीक लागे राजा गुरतुर बैना
संझा बिहनिया तोला सोरियाथौं
देखे बिना तोला बइहा बही बनजाथौं
मनमोहनी दिवानी ओ का जादू डारे
संवरेंगी मोर कैना ओ का जादू डारे
अनपानी नंइ सुहावै कहीं दिल नंइ लागै
÷÷÷÷÷÷÷÷÷÷÷÷÷÷÷÷÷÷÷÷÷
बनके मैं रधिया तोला बलावौं
पीरीत के धुन आजा तोला सुनावौं
प्रेम नगर के तैं मोर राजा
झूलना झूलाहूं मोर बंइहा म आजा
मोर छलिया दीवाना रे का जादू डारे 
रंगरेला तोर लैला मैं का जादू डारे
तोर सुरता सतावै मोला नींद नंइ आवै
÷÷÷÷÷÷÷÷÷÷÷÷÷÷÷÷÷÷÷÷÷
कुरिया मया के दुनों सिरजाबो
मया के मड़वा म हरदी लगाबो
सुर सरिता के सरगम छलके
जनम-जनम रहूं तोरेच बनके
गोरी रूप के रानी ओ का जादू डारे 
मनभौंरा राजा रे का जादू डारे 
अनपानी नंइ सुहावै कहीं दिल नंइ लागै
तोर सुरता सतावै मोला नींद नंइ आवै
रंगरेली मोर मैना ओ का जादू डारे
अलबेला मोर छैला रे मोर मन मोही डारे
÷÷÷÷÷÷÷÷÷÷÷÷÷÷÷÷÷÷÷÷÷÷÷
तोषण चुरेन्द्र दिनकर धनगांव डौंडी लोहारा 
बालोद छत्तीसगढ़ 9575070689

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय