आजा आजा भवानी आजा,मोर अंगना मा तै आजा
छोटे छोटे तोर लइका ओ दाई,भाग तै सबके जगा जा
आजा आजा....
सरधा के मैं फूल चढ़ाएंव,भगति के दीया बाती
नवकरसा नवरूप हे राजे,जगमग नवदिन राती
दरस दिखादे हे माहामाई,बिगड़ी सबके बना जा
आजा आजा....
लाली लाली तोर साज सिंगारे,चंदा बरन रूप दमके
बघवा सवारी सेऊक लंगुरवा,सूरूज बरोबर चमके
शैलपुत्री हे काली माई,नैना तरस गे आजा
आजा आजा....
पापी ल मारे धर्मी उबारे,महूं पड़े हँव शरन मा
आशीष तैंह देबे ओ दाई,जिनगी बीते भजन मा
अरजी तोसन के सुन समलाई,दया मया बरसा जा
आजा आजा....
गीतकार
तोषण चुरेन्द्र दिनकर धनगांव
डौंडी लोहारा बालोद छत्तीसगढ़
मोबाइल 9575070689
कोई टिप्पणी नहीं:
एक टिप्पणी भेजें