आजा आजा आजा गजानन आजा आजा आजा तँय ना २ बार
गौरी के ललना गन के देंवता,देवत हावंव मँय पहिली नेंवता २ बार
भाग ल मोरो जगा तँयह ना...आजा आजा आजा ...
तोर जय हो गजानन जय हो,तोर जय हो गजानन जय हो...
भादो के महिना, चउथ के दिन ले,गांव गली मा बिराजे
मूसवा सवारी,पेट बड़ भारी,रिद्धि सिद्धि हे राजे
चंदन बंदन,पान फूल संग,तोला मनावंव देवा
लडुवन के तँय, भोग करथस,संतन करथे सेवा
बुद्धि देवइय्या जुक्ति बतइय्या,दीन दुखिया के दुख्ख हरइय्या
भाग ल मोरो जगा तँयह ना...आजा आजा ...
तोर जय हो गजानन जय हो,तोर जय हो गजानन जय हो...
माता तोरे पार्बती हे,कहिथे जेला,अंबे सती हे,पिता हे शंकर भोला
बिनती ल सुनव,रात-दिन गुनँव,दरस देखादे मोला
तोर दुवारी फूल फूलवारी सजे हावय रातरानी
महिमा अजब हे,ग्यान गजब हे,अजर अमर हे कहानी
जनम देवइय्या करम लिखइय्या,दाई ददा के मान बढ़इय्या
भाग ल मोरो जगा तँयह ना...आजा आजा ...
तोर जय हो गजानन जय हो,तोर जय हो गजानन जय हो...
तोषण चुरेन्द्र दिनकर
कोई टिप्पणी नहीं:
एक टिप्पणी भेजें