गणपति महाराज ( दोहागीत)
°°°°°°°°°°°°°°°°°°°°°°°°°°°°°°°°°
लाज रखव गन देवता,करत हवँव गोहार।
बाध बिघन सब टार दे,सादर जय जोहार।।
°°°°°°°°°°°°°°°°°°°°°°°°°°°°°°°°°
परबतिया के लाल तँय,मूसवा करे सवार।
पहिली पूजा तोर हे,मानत हे संसार ।।
दुखिया मनके आस तँय,नमन हजारों बार।
बाध बिघन सब टार दे,सादर जय जोहार।।
°°°°°°°°°°°°°°°°°°°°°°°°°°°°°°°°°
रचे महा भारत कथा,ब्यास ह करे बखान।
कहिनी अपरम्पार हे,महिमा तोर महान।।
बुध के देवइया गना,रिद्धि सिद्धि दो नार।
बाध बिघन सब टार दे,सादर जय जोहार।।
°°°°°°°°°°°°°°°°°°°°°°°°°°°°°°°°°
गाँव गली चारो मुड़ा,ग्यारा दिन मधुमास।
जगमग होवय आरती,चहुँ दिश करे उजास।।
दीन हीन के हस सखा,राखय तँय पोटार।
बाध बिघन सब टार दे,सादर जय जोहार।।
°°°°°°°°°°°°°°°°°°°°°°°°°°°°°°°°°
गीतकार:-
तोषण चुरेेन्द्र दिनकर
धनगांव डौंडी लोहारा बालोद छत्तीसगढ़
कोई टिप्पणी नहीं:
एक टिप्पणी भेजें