सोमवार, 21 अगस्त 2023

धीरे धीरे

मुखड़ा

लड़का:-
मोर दिल मा समाजा रेऽऽ रानी धीरे धीरे...हां धीरे धीरे...
लड़की:-
मोर सपना सजा रेऽऽ राजा धीरे धीरे...हां धीरे धीरे...
उड़ान:-
मैं दीया संगी तैं मोर बाती,मया पीरीत रहय दिन राती
धीरे धीरे...हां धीरे धीरे...

अंतरा १
लड़का:-
तोर बिना मोर जिनगी अधूरा,पानी बिना जइसे मछरी
दिल ला तै मोर दिवाना बनाये,फांस के मया के संखरी
कारी करौंदा मोर हिरदे के रानी,बोली तोर छुरी चलाये
मन भंवरा तोर होके दीवाना,पाछू पाछू छटपटाये

उड़ान:-
पून्नी चंदा के तैं रातरानी,कारी कोयली कस गुरतुर हे बानी
धीरे धीरे...हां धीरे धीरे...

अंतरा २:-
लड़की:-
मैं बरखा अंव तैं मोर सावन,पुरवा पवन लहराये
अंग अंग भींजगे तोर मया मा,पीरीत के आगी लगाये
तोर दीवानी हंव मोर दीवाना,लेजा भगाके उढ़रिया
भर देना लाली मोर मांग सिंदुरी,बनाले मोला दुल्हनिया

उड़ान:-
मोर परसा के तैहर फूले,तोर रेंगना हँसाई हक खुले
धीरे धीरे...हां धीरे धीरे...

लड़का + लड़की 
मोर दिल मा समाजा रेऽऽ रानी धीरे धीरे...हां धीरे धीरे...
मोर सपना सजा रेऽऽ राजा धीरे धीरे...हां धीरे धीरे...

गीतकार 
तोषण चुरेन्द्र दिनकर धनगांव डौंडी लोहारा

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय