सोमवार, 21 अगस्त 2023

नंइ जीये सकंव

तैहा कइसे भुलाये ओ..... रानी
ननपन के साजे मोर प्यार ला
नंइ जीये सकंव तोर बिना बही...२

सावन के बरखा कस बैरी
हिरदे मा आके समाये
बन पुरवइय्या मोर जिनगी मा
लहर लहर लहराये
काबर तरसाये ओ.....रानी
ननपन के साजे मोर प्यार ला
नंइ जीये सकंव तोर बिना बही...२

दीया बाती कस संग मा रेहेन
मया के बगिया सजायेंन
तोर संग राधा श्याम बनेंव मैं
मधुबन रास रचायेंन
तैहा कहां लुकाये ओ.....जोगनी
ननपन के साजे मोर प्यार ला
नंइ जीये सकंव तोर बिना बही...२

तोर बिना मैं कइसे जिहूं 
तही हा मोला बताना
बइहा बन मन घुमत रहिथे
नंइहे ठउर ठिकाना
तोला कोन मेर पावंव ओ....रानी
ननपन के साजे मोर प्यार ला
नंइ जीये सकंव तोर बिना बही...२

तोषण चुरेन्द्र दिनकर 
धनगांव डौंडी लोहारा 
बालोद छत्तीसगढ़

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय