गुरुवार, 13 जुलाई 2023

नावत हंव माथा

अवध कस लागे मोला 
धनगांव के पावन भुंइया 
सरयू जस बहे जिंहा धार।
अरजी लागंव मैहा 
दशरथ के चारो ललना
हनुमत हा बइठे रखवार।

राम के पावन गाथा 
नावत हंव मैहा माथा
कथा हे तुलसी के सार।
पाप कट जाही सबके 
भजले तै बने डपटके
भव ले हो जाबे बेड़ापार।

सागर ले गहुंरा हावय
तुंहर ये मया पीरीत हा
नदिया कस निर्मल हे बेवहार।
नेवता दे हावव तुमन 
राम कथा बर दीदी
हिरदय ले कोटि अभार।

मया बगराये रहिहव
आशीष बरसाये रहिहव
मांगत हे जय श्री राम परिवार ।
राम कथा पाबो
जिनगी के जुगती बनाबो
सबो ला सादर जय जोहार ।

तोषण चुरेन्द्र 'दिनकर'

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय