भोले के दर्शन पाबो
चलना जाबो जलेश्वर धाम ओ जोड़ी
भोले के दर्शन पाबो
मन के मनौती मोर पूरा हो जाहीऽऽऽ
बालोद जिला घुमी आबोऽऽऽ
चलना जाबो...
चलना जाबो जलेश्वर धाम ओ जोड़ी....
कांवर बनाके गंगाजल धरबोन
बेलपतिया धथुरा के पाना
भोलेबाबा ल मनाबो दुनोझन
गाबो हम बोल बम के गाना
आस दरस के मोर पूरा हो जाहीऽऽऽ
बालोद जिला घुमी आबोऽऽऽ
चलना जाबो...
चलना जाबो जलेश्वर धाम ओ जोड़ी....
नंदिया बइला मा बइठे महादेव
परबतिया संगे सुहाये
हाथ मा साजे डमरू तिरशुल
भृंगी भजन जेकर गाये
एसो बछर मोर टूरा हो जाहीऽऽऽ
बालोद जिला घुमी आबोऽऽऽ
चलना जाबो...
चलना जाबो जलेश्वर धाम ओ जोड़ी....
सावन महिना भोले बाबा कर
जेनहर रोवत गावत आथे
आस पूरोथे औघड़िया हर
तोषन ओकर गुन ला गाथे
पावन बरत मोर अधूरा हो जाहीऽऽऽ
बालोद जिला घुमी आबोऽऽऽ
चलना जाबो...
चलना जाबो जलेश्वर धाम ओ जोड़ी....
गीतकार
तोषण चुरेन्द्र 'दिनकर'
धनगांव डौंडी लोहारा
बालोद छत्तीसगढ़
Mo.9575070689
कोई टिप्पणी नहीं:
एक टिप्पणी भेजें