गुरुवार, 13 जुलाई 2023

गुरू शंभू अउ नंदी

गुरु पूर्णिमा 

गुरु पूर्णिमा के परब,मानत हे संसार।
जेकर सुमरे मात से,उतरे भव ले  पार।
उतरे भव ले पार,जेन गुन गुरु के गावय।
मिथले खुशी अगाथ,आस मनके मन पावय।
मिले गुरु के हाथ,गीत हे तोषन के शुरु।
रखे अपन नित हाथ,शिष्य बर निशदिन हर गुरु।

 नंदी अउ शंभू

नंदी बइला बइठ के,आगे देवों के  देव।
औघड़ भोलेनाथ हे,मनोकामना लेव।
मनोकामना लेव,चढ़ा लोटा भर पानी।
सावन महिना खास,बीत जाही जिनगानी।
तोषन जोड़े हाथ,रहे शंकर के बंदी
शोभा शंभू खूब,बइठ के बइला नंदी।

तोषण चुरेन्द्र 'दिनकर' 
धनगांव डौंडी लोहारा 
बालोद छत्तीसगढ़

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय