कारी कोयलिया गुरतुर बैना तोर
मोर दिल ला लुभाये कजरेली नैना तोर
मुड़ के पागा कलगी हा लहलोर
मोर दिल मा बसे हे भोला सुरतिया तोर
मोला जनावय नहीं गोरी भूख पियास ओ
डोंगरी के तीर रानी मिलेके हावय आस ओ
संसो झन करबे राजा दूये दिन के बात हे।
सावन महिना पवन करे सोर....
मोर दिल ला लुभाये कजरेली नैना तोर
मोर दिल मा बसे हे भोला सुरतिया तोर
सुकवा पहाती चिरई हा करे चाँव
रूनझून पैरी हा सुहावय बैरी तोर पाँव
करमा के ताल राजा माँदर के धुन
मोला दगा झन देबे मोर बात थोरिक सुन
बनके हम दीया बाती करबो अंजोर.....
मोर दिल ला लुभाये कजरेली नैना तोर
मोर दिल मा बसे हे भोला सुरतिया तोर
तोषण चुरेन्द्र 'दिनकर' धनगांव डौंडी लोहारा
कोई टिप्पणी नहीं:
एक टिप्पणी भेजें