मंगलवार, 27 सितंबर 2022

मैं नाचँव तोर अंगना (केंवरा यदु "मीरा"-राजिम)

जस गीत 

बृंदाबन में नाचे मोर मैं नाचँव मैंया तोर अँगना।
मोरो मन मा उठत हिलोर मैं नाचँव मैंया तोर अँगना।।

ब्रम्हा नाचे बिष्णू नाचे,भोला झुमर झुमर झुमर के नाचे।
हो हो नाचे नाचे हो हो नाचे नाचे।
मँयहा कइसे बनहूँ कठोर।
मैं नाचौं मैंया तोर अँगना।
बृंदाबन में नाचे मोर---

गंगा नाचे यमुना नाचे,सागर झुमर झुमर के नाचे।
हो हो नाचे नाचे हो हो नाचे नाचे।
मन मा खुशी के ओर न छोर। 
मैं नाचौं मैंया तोर अँगना।
बृंदाबन में नाचे मोर----

चंदा नाचे सूरज नाचे,चँदैनी झुमर झुमर के नाचे।
हो हो नाचे नाचे हो हो नाचे।
मँय हा कइसे बाँधंव मन ड़ोर। 
मैं नाचौं मैंया तोर अँगना।
बृंदाबन में नाचे मोर--

नंदी नाचे बघवा नाचे,नरियर सुपारी नाचे।
हो हो नाचे नाचे हो हो नाचे नाचे।
मँहूं नाचौं हो भाव विभोर। 
मैं नाचौं मैंया तोर अँगना।
बृंदाबन में नाचे मोर मैं नाचौं मैंया तोर अँगना।।

केवरा यदु"मीरा"राजिम

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय