राम राज के कल्पना
राम राज लाबोन कहिके,परन करव गा आज।
जय जय सीताराम कहव,बिगड़े बनाही काज।
जय जय राम जय श्री राम
राजा जनक जस हलधर बनके सोनहा धान उपजाबोन
दाई ददा के नाँव बगराही अइसन सीता खेलाबोन
सुमता के हम दीया जलाबोन मिलके धरव गा साज
जय जय सीताराम कहव,बिगड़े बनाही काज।
जय जय राम जय श्री राम
परे डरे अउ गिरे हपटे ला सबला गले लगाबोन
शबरी जस नव भक्ति ला पाके राम चरनरज गा पाबोन
सुग्री जस हम हितवा बनके हिरदे मा करबोन राज
जय जय सीताराम कहव,बिगड़े बनाही काज।
जय जय राम जय श्री राम
दिन रहव दशकंधर जस गा रहव विभीषण बनके
बन जाही तोर राम मितवा सोन्ना बरोबर ठनके
डोर बाँधलव भाईचारा के गड़वा बजावव बाज
जय जय सीताराम कहव,बिगड़े बनाही काज।
जय जय राम जय श्री राम
©®
तोषण चुरेन्द्र दिनकर
सरपंच धनगांव
डौंडीलोहारा
कोई टिप्पणी नहीं:
एक टिप्पणी भेजें