माता भजन
खेलत आबे कुदत आबे झूपत आबे ओ
दाई तोर अंगना मा बोएँ हँव जँवारा तोर नाँव के
तोर आशीष ले दाई बगिया सजायेंव२
सरधा बिसवास के मैहा दीयना जलायेंव२
नाचत आबे गावत आबे मया बरसाबे ओ
दाई तोर अंगना मा बोएँ हँव जँवारा तोर नाँव के
चैत कुँवार मा मैय्या मेला भराये२
जगमग जगमग जोत सुहाये२
हाँसत आबे किरपा लाबे दया बगराबे ओ
दाई तोर अंगना मा बोएँ हँव जँवारा तोर नाँव के
अपन भगत ल दरश देखादे२
सगरो जगत के आस पुरादे२
शक्ति लाबे भक्ति लाबे मुक्ति लाबे ओ
दाई तोर अंगना मा बोएँ हँव जँवारा तोर नाँव के
©®
तोषण चुरेन्द्र दिनकर
धनगांव डौंडीलोहारा
बालोद छत्तीसगढ़
कोई टिप्पणी नहीं:
एक टिप्पणी भेजें