शनिवार, 22 जनवरी 2022

सावन कस झड़ी

सावन कस झड़ी करत हे
कइसे करही किसान
जब देना रिहिस सुते रिहिस
करदिस अब हलकान
करदिस हे हलकान 
बात ल कोन ल बतावँव
करपा परे हे खार मा
कोनला मँय गोहरावँव
करम फाट गे जुग भुड़गे 
करजा के हावय चिंता
का ये देख सरकार हा 
हमरो मारही मिंता
बड़े पेट ला फरक नइ परे
नान्हें फेर पोचई परही
अन्न बिना गरीब किसान
मुड़ तरवा ल धरही
अइसन हाल बेहाल मा
कर्जा कइसे छुटाही
पूछथँव मँय सरकार ले
तन ले अब खून अऊँटगे
मँहगाई के मार ले
अरजी हावय सरकार ले 
धरतीपूत के सुध लेवव
धान पान अब लांँघन परगे
करजा मा माफी देवव...
करजा मा माफी देवव...

तोषण चुरेन्द्र दिनकर
धनगांव डौंडी लोहारा


ऐसे और पोस्ट देखने के लिए और मधुर साहित्य परिषद  से जुड़ने के लिए क्लिक करें 👇👇

https://kutumbapp.page.link/P5v8jtv3Rq6NqnJt9

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय