बुधवार, 26 जनवरी 2022

मोर भारत महतारी के कोरा

मोर भारत महतारी के कोरा हा
महर महर ममहावत हे..
तीन रंग झंडा गगन मा हो..हो.. हो...
लहर लहर लहरावत हे 
लहर लहर लहरावत हे
मोर भारत महतारी के...

इही कोरा मा जनम धरिन हे 
हरिश्चंद्र जस दानी
राजा शिवि हर मान ल पाईस
जेकर नंइहे सानी
कठिन परीक्षा ले ऊबर गे हो..हो..हो...
सरग  के रद्दा ला पावत हे
मोर भारत महतारी के....

अंगरेजन राज हा आईस 
बइरी मन बड़ जुलुम करिन
लाल बाल अउ पाल भगत मन
ले सुराज के ध्यान धरिन
चंद्रशेखर संग में गांधी ह हो..हो..हो
लउठी धर के कुदावत हे
मोर भारत महतारी के...

पाएन अजादी सन सड़तालीस में
तन मन सब हरियागे
कुटुंब कबिला खुशी मनाईन
तिरंगा लहरागे
वन्दे मातरम गान करत हे हो..हो..हो
जन जन हा सोरियावत हे
मोर भारत महतारी के...

बाबा भीम हा तंत्र बनाइस  
गण मन सब जुरियास हे
२६ जनवरी के दिन संगी
संविधान ला पाइस हे
हिंद देश के गीता बनगे हो..हो..हो..
देश भर खुशी मनावत हे
मोर भारत महतारी के....

तोषण चुरेन्द्र 'दिनकर'
धनगांव डौंडीलोहारा

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय