बुधवार, 26 जनवरी 2022

राम ह लिये अवतारे

राम ह लिये अवतारे अवध पुर द्वारे
सोहर गीत गावौ जी...


चौंथा पन म राजा दशरथ
बेटा पाइस हे चारे
राम लछिमन भरत शत्रुघन
हावय राज दुलारे
राम ह लिये अवतारे अवध पुर द्वारे
सोहर गीत गावौ जी...

ब्रह्मा नाचै बिष्नु नाचै
 नाचै शंकर भोला
नारद नाचै बीना बजावत 
सुमरै बड़ बड़ तोला
राम ह लिये अवतारे अवध पुर द्वारे
सोहर गीत गावौ जी...

रूख राई डोंगरी झूमरै
झूमरै नदिया कछारे
चिरई चिरगुन मंगल गावै
कोयली राग मल्हारे
राम ह लिये अवतारे अवध पुर द्वारे
सोहर गीत गावौ जी...


तोषण चुरेन्द्र 'दिनकर'
धनगांव डौंडीलोहारा

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय