शनिवार, 22 जनवरी 2022

---<<००: लोढ़ा-सील के महिमा :००>>---

---<<००: लोढ़ा-सील के महिमा :००>>---
           { छत्तीसगढ़ी - दोहा छन्द }
                      ०×××××०
बिनती लोढ़ा - सील के , करथौं मयँ परनाम ।
आथें  मनखे जनम  बर , ए मन  बहुते काम ।।१।।
चटनी  मिरचा-नून अउ , लेसुन -धनियापान ।
आदा   संग   पताल  हे , मिठाथे बड़ मितान ।।२।।
संग  मसाला ल  पिसथें , लोढ़ा-सील सुजान ।
हरदी  घला  पिसत रथें , बिहाव घरी म मान ।।३।।
बिन लोढ़ा औ  सील के , नइ होवै ग बिहाव ।
देथें   दहेज  अउ   घला , एखर हे  बड़ भाव ।।४।।
एमन आत  रिहिन सदा , दार  दरे  के  काम ।
छानैं  बरा  उरीद   पिस , खाये म मजा धाम ।।५।।
बरी खातिर  घला  पिसैं , रगड़ैं    देके   जोर ।
भाटा - सेमी   औ   बरी , भावै   मुनगा  झोर ।।६।।
आमा  के   चटनी  पिसैं , खाथें जीभ लमाय ।
पेज  म  हे  एखर  मजा , कहे बरन नइ जाय ।।७।।
अमली - बोइर के  पिसैं , मुँहूँ  ल टपकै लार ।
बासी   संग   म  पेटभर , देवैं  सब  फटकार ।।८।।
पिसथें  सबो  दवा घला , रोग    पराथे    दूर ।
परथें  काम  जनजन के , ए    दूनों    भरपूर ।।९।।
कतका  करौं  बखान मैं , महिमा  हवै अपार ।
बोलै 'ठाकुर' पिस  सदा , खावत   हे  संसार ।।१०।।
                       ०××××××०
दि.०५.०१.२२--जगतसिंह ठाकुर 'बंजारीवाले'
                   ९४०६०५७७६३ , ६२६६५२४२६१

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय