शनिवार, 22 जनवरी 2022

हासपीटल के लफड़ा।।

हासपीटल के लफड़ा।। 

गेंव डाकटर कर हड़बिड़ हड़बिड़,
किहिस तोर सरीर मा हवा कम हे।।
इलाज तो मंय कर दे रतेंव फलाना,
फेर मोर कर  अभी दवा कम हे।।
तुरते जा तंय बड़का हासपीटल मा,
तोर कर समय अब सवा कम हे।। 

जाते भार हासपीटल के चपरासी पूछिस,
कोन हरस, तंय कहाँ ले आये हस?
ओ मेर रजिसटर मा फलाना,
अपन नाम तंय का लिखाये हस? 

मंय कहेंव झटकुन लिखव साहेब,
"नोकेश तांडे" हरे मोर नाव।।
हरंव मंय पोठ छत्तीसगढ़ीया,
बालोद जिला मा परथे मोर गांव।। 

हाथ जोरत कहेंव मरत हंव साहेब,
झटकुन मोर काम बना देतेव।।
काय बीमारी हे तेला देखके,
सूजी पानी ला लगा देतेव।। 

चपरासी हांस के किहिस मोला,
जा तंय  पहली जांच करवा।।
मरत हंव कहिके गा फलाना,
हमला फोकट मा झन डरवा।। 

बड़ झंझट रथे ये हासपीटल मा,
येती के ओती घुमात रथे।।
संग मा घर के मनखे होथे परसान,
बिमरहा ऊपर माछी झुमात रथे।। 

पइसा वाला हस ता तोर,
बांचना घला एकदम पक्का हे।।
गरीबहा हस ता फलाना,
तोर हरियर  जिनगी कच्चा हे।।

रचनाकार✍️नोकेश तांडे।
जिला बालोद🌾(छत्तीसगढ़िया)

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय