शुक्रवार, 5 दिसंबर 2025

कारी करौंदा


लोकगीत...

*मोर कारी करौंदा....*

मोर कारी करौंदा मोर मन के मिलौना मोर बाम्हन चिरैय्या तैह उड़ी आबे 
उड़ी आबे नदिया नरवा कछार ये तरिया के पार जोहत रहिहौं दोस.....

असो के अक्ति रचाबो हरदी
तैहा संसों झन करबे मयारू जँवारा मिलना हे जलदी रे तैह उड़ी आबे
उड़ी आबे नदिया नरवा कछार ये तरिया के पार जोहत रहिहौं दोस.....

सावन के महिना बरेला जोगनी
अपन बस मा तै राखे ओ मोला गजामूंग खवाके मोहनी रे तैहा उड़ी आबे 
उड़ी आबे नदिया नरवा कछार ये तरिया के पार जोहत रहिहौं दोस....

चंदा ल देखके चंदैनी ह लजाय
तोर हांसी ठिठोली मोर फूलकैना गोरी मोर मन ल लुभाय रे तै उड़ी आबे
उड़ी आबे नदिया नरवा कछार ये तरिया के पार जोहत रहिहौं दोस....

मया के पाटी पीरीत के खम्भना
छूट जाये जमाना ये बैरी पिरोही झन टूटे बंधना रे तै उड़ी आबे 
उडी़ आबे नदिया नरवा कछार ये तरिया के पार जोहत रहिहौं दोस....

तोषण चुरेन्द्र 'दिनकर' 
धनगांव डौंडीलोहारा
बालोद छत्तीसगढ़

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय