सोमवार, 10 नवंबर 2025

याद आथे का


मोर याद तोला आथे का,
तोर दिल ला कभू तडपाथे का
मोर दिल हे तोर दिवाना, 
तोर बर मैं हावौं बेगाना
तन्हा मोला सपनाथे का
तोर दिल ला कभू तडपाथे का

जिनगी मोर बीरान होगे, 
कइसे तोला बतावौं
तोरेच चेहरा करेजा भीतरी, 
चीर के तोला देखावौं
का करौं तही बताना,
तोर बर मैं हावौं बेगाना
तन्हा मोला सपनाथे का
तोर दिल ला कभू तड़पाथे का....


मोर नसीबा रूठगे मोरले, 
कइसे जिनगी पहाहूँ
तड़पत हौं पानी बिन प्यासा, 
मछरी जइसे मर जाहूँ 
बनगेहे बैरी जमाना,
तोर बर मैं हावौं बेगाना
तन्हा मोला सपनाथे का
तोर दिल ला कभू तडपाथे का.....


तोषण चुरेन्द्र 'दिनकर' 
धनगांव डौंडीलोहारा 
बालोद छत्तीसगढ़

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय