गोरी मोला हांस के , मया के डोरी मा बांध डारे ओ
मन ला मिलाय के , दीवाना बनाय के , दिल मोर फांस डारे ओ.….
तोर कोती दौंड़े दिल मोर , होके दिल दिवाना
दिल मा करार नइहे , बैरी हे जमाना
मया मा सनाय जइसे , पुन्नी चंदा राती
तोर मोर जोड़ी लागे , जइसे दीया बाती
दिल के करार तैं , सावन मैं बहार तैं , मधुबन मा रास डारे ओ.....
बहे पुरवैय्या सर सर , कोयली गीत गाये
बरसे मया के बदरा , आऽगी लगाये
तोर पीरीत के सागर , दिल मा हिलोर ले
सुन ले ये दिल के धड़कन , तोर नाँव शोर हे
गुले गुलजार तैं , दिल के खुमार तैं , मोहनी के पाश डारे ओ......
©®
तोषण चुरेन्द्र 'दिनकर'
धनगांव डौंडीलोहारा
बालोद छत्तीसगढ़
9575070689
कोई टिप्पणी नहीं:
एक टिप्पणी भेजें