शुक्रवार, 20 दिसंबर 2024

परदेशिया रे बिदेशिया रे

परदेशिया रे बिदेशिया रे, रंगरसिया रे मनबसिया रे 
जुल्मी होगे हे तोर प्यार हा, का जादू डारे हे तोर प्यांर हा 
दीवाना रे मस्ताना रे, जुल्मी होगे हे तोर प्यार हा..

पहली नजर मा कइसे जादू चलाये ओ 
झलक दिखाके मोला दीवाना बनाये ओ 
चंदा सूरूज उवै नहीं बिना दिन राती के 
तोर मोर जोडी हावै जइसे दीया बाती के 
डर लागे तोरे इनकार हा, का जादू डारे हे तोर प्यार हा 
दीवाना रे मस्ताना रे, जुल्मी होगे हे तोर प्यार हा...1

मया बर गवाही रही धरती अगास हा 
पानी रहिके मिटै नाहीं पीरीत के प्यास हा 
बोली तोर लागे जइसे मंदरस धार ओ 
संग जीबो संगे मरबों मया के अधार ओ
तोर बिना सूना संसार हा, का जादू डारे हे तोर प्यांर हा
दीवाना रे मस्ताना रे, जुल्मी होगे हे तोर प्यांर हा...2

गीतकार
तोषण चुरेन्द्र दिनकर
धनगांव डौंडी लोहारा बालोद छ.ग.
मोबाईल 9575070689/6267538036
सर्वाधिकार रचनाकार के अधीन है।

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय