रविवार, 13 अगस्त 2023

वंदे मातरम्

76 वें स्वतंत्रता दिवस की हार्दिक बधाई एवं शुभकामनाएं 
🇮🇳🇮🇳🇮🇳🇮🇳🇮🇳🇮🇳🇮🇳🇮🇳
वंदे मातरम् 
🇮🇳🇮🇳🇮🇳🇮🇳🇮🇳🇮🇳🇮🇳🇮🇳
आजादी के अमरीत उतसव 
घर घर सबो मनावत हँन
तीन रंग झंडा सुग्घर पबरित
लहर लहर लहरावत हँन
वंदे मातरम् वंदे मातरम्  वंदे मातरम् वंदे मातरम् 
🇮🇳🇮🇳🇮🇳🇮🇳🇮🇳🇮🇳🇮🇳🇮🇳
अत्याचार बढ़े जब लागिस 
अंग्रेजी सरकार के 
भारत माता कलहरत रिहिस
दुख ल अपन गोहार के
वो महतारी के त्याग तपस्या 
आज हमन सहरावत हँन
तीन रंग झंडा सुग्घर पबरित
लहर लहर लहरावत हँन
वंदे मातरम् वंदे मातरम्  वंदे मातरम् वंदे मातरम् 
🇮🇳🇮🇳🇮🇳🇮🇳🇮🇳🇮🇳🇮🇳🇮🇳
चंद्रशेखर आज़ाद भगत अउ
खुदीराम कस लइका मन
करदिस हे बलिदान तन ल
देखते रहिगे देखइय्या मन
जुरमिल के बलिदानी मनके
रही रही गुन ल गावत हँन
तीन रंग झंडा सुग्घर पबरित
लहर लहर लहरावत हँन
वंदे मातरम् वंदे मातरम्  वंदे मातरम् वंदे मातरम् 
🇮🇳🇮🇳🇮🇳🇮🇳🇮🇳🇮🇳🇮🇳🇮🇳
भारत मां के लाल हमन हँन
मान ल एखर बढ़ाबो
जब तक रही तन मा सुवाँसा
दाई के सेवा बजाबो
भारत माता के रक्षा खातिर
तन मन सबो लुटावत हँन
तीन रंग झंडा सुग्घर पबरित
लहर लहर लहरावत हँन
वंदे मातरम् वंदे मातरम्  वंदे मातरम् वंदे मातरम् 
🇮🇳🇮🇳🇮🇳🇮🇳🇮🇳🇮🇳🇮🇳🇮🇳
विजयी विश्व तिरंगा ह रही
सबले ऊंचहा न्यारा
मान बढ़े सम्मान बढ़े अउ
रहे जी सबसे प्यारा
तोषन संग आज सबो संगी
मने मन गुनगुनावत हँन
तीन रंग झंडा सुग्घर पबरित
लहर लहर लहरावत हँन
वंदे मातरम् वंदे मातरम्  वंदे मातरम् वंदे मातरम् 
🇮🇳🇮🇳🇮🇳🇮🇳🇮🇳🇮🇳🇮🇳🇮🇳

रचनाकार
तोषण चुरेन्द्र दिनकर 
धनगांव डौंडी लोहारा 
बालोद छत्तीसगढ़ 

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय