शनिवार, 10 अक्टूबर 2026

रोशनी खातिर

रोशनी खातिर

जलत हस रोशनी खातिर,
तोला अउ कतका जलावँव मँय।
दुनिया के तिमिर हरत हस,
अइसन ताकत कहाँ ले पावँव मँय॥

अपन देह जराके दीया बन,
जगत ला जोतीमय कर देथस।
निज जिनगी के तेल जराके,
अँधियार सबो हर लेथस।
तोरे ले सीखँव त्याग के बोली,
तोरे ले उजियार पावँव मँय।
रद्दा म तँय जलत रहबे,
मोर मन घलो दीया बन जावँव मँय॥

जिहाँ निरासा के घोर अँधियार,
जिहाँ बेबसी के डेरा हे।
जिहाँ स्वारथ बाँध के राखे,
दया-मया के साँस घेरा हे।
तिहाँ साँच के जोत जलाके,
नवा भरोसा जगावँ मँय।
सुताय हिय म प्रान जगाके,
मानवता के गीत गावँ मँय॥

चार दिन के जिनगी हे मोर,
काबर सिरिफ अपन हित सोचँव?
जगत के दुख ला दूर करन बर,
काबर सुख-सुबिधा म पोहँव?
एक दीया ले दीया जरही,
त अँधियार ल दूरिहा भगावँव मँय।
तँय जलत रहबे जोती बनके,
तोरे म मोर दीया जरावँव मँय॥

तोषण चुरेन्द्र 'दिनकर'
धनगांव, डौंडीलोहारा, बालोद (छत्तीसगढ़)
मो. 9575070689

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय