गुरुवार, 30 अप्रैल 2026

मिहनत के बासी




मजदूर दिवस (1 मई) के अवसर पर, छत्तीसगढ़ के माटी के महक अऊ मिहनतकश मन ल समर्पित एक कविता:

मिहनत के बासी

सुरुज देव हा आग उगलथे, तपथे धरती मईया,
पसीना ले तर-बतर शरीर, थिरकथे काम म गैया।

जेठ के घाम म जरथे गोड़, नइ मिलय कहुं छांव,
तभो ले रथे लगन ह भारी, धन्य हे हमर गांव।

खेत-खलिहान म खटत हन संगी, हो के हम मजदूर,
मिट्टी संग हमर नाता अईसन, जइसे चंदा अऊ चक्कूर।

कोदो-कुटकी के तिहार मनावन, मिहनत ह हमर धन,
छत्तीसगढ़िया हन हम सबो, बड़े हवय हमर मन।

बासी-चटनी के सवाद ह राजा, अउ अमृत हवय बोरे,
नुन-मिर्चा म खुश हो जावन, दुख-पीरा सब तोरे।

दिहाड़ी के आस म कटथे जिनगी, साझ कुन रथे मुस्कान,
मजदूर के मिहनत ले ही सजत हे, हमर देस के मान।

काम ह पूजा, पसीना ह चंदन, इही हमर पहिचान,
खेत ले लेके कोठार तक, गूंजथे हमर गान।

आज 'मई दिवस' म कइथों संगी, करबो मिलके काम,
छत्तीसगढ़ के सब्बो  मजदूर मन ल, हमर सप्रेम परनाम!


-तोषण चुरेन्द्र 'दिनकर' धनगांव डौंडी लोहारा बालोद छत्तीसगढ़


 

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय