गुरुवार, 29 जनवरी 2026

हाना के मरम

​हाना के सुघ्घर मर्म
​पुरखा मन के गोठ अनमोल हे, हाना आय धरोहर।
गागर में सागर भर देथे, जइसे अमृत सरवर।।
कम सब्द मा बात बड़े कहि, सुघ्घर मारग देखावय।
जे हाना ला जान लय ओहा, जिनगी सुफल बनावय।।
​"खाय के बेर मा मुंगरी मछरी, काम के बेर मा कोरी।"
अइसन मनखे जग मा हावय, करत हवय सब चोरी।।
स्वार्थ के ये दुनिया भइया, हाना पाठ पढ़ाथे।
सीख लेवय जे गुन के गोठ ला, ओही मान बढ़ाथे।।
​"एक हाथ मा ताली नई बाजै", मिलके रहिना भाई।
अपन पराया छोड़ के संगी, तज दव सब चतुराई।।
एकता मा ही बल हावय जी, हाना ये समझावय।
गड़बो नवा छत्तीसगढ़ हम, सुघ्घर जोत जलावय।।
​"जेकर लाठी ओकर भइँसा", ताकत के ये खेल ए।
नीति बिना ये दुनिया संगी, कतको सुघ्घर जेल ए।।
न्याय धरम ला कभू न छोड़व, हाना बात सिखाथे।
सत्य के डगर मा चलनइया, जुग-जुग ले हरसाथे।।
​छत्तिसगढ़ के माटी महके, हाना हे एक गहना।
बोली भाखा के रस घोलय, जइसे कोयल कहना।।
अइसन सुघ्घर ज्ञान ला भइया, हिरदे बीच बसा ले।
पुरखा मन के आशीष पाके, अपन भाग जगा ले।।

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय